Mantívose hoxe unha reunión da directiva da Asociación de Entidades Locais pola Lingua Galega (Alingua). No encontro presidido por Henrique Monteagudo, presidente da Real Academia Galega, participaron por parte de Alingua o seu presidente, Ramón Varela Rodríguez, do Concello de Carballo; o secretario, Demetrio Gómez Xunqueira, do Concello de Pontevedra; e o tesoureiro, Gonzalo Castro, do Concello da Coruña; e mais Carme Pereiro, Xulia Rigueiro e Concepción Cochón, técnicas de normalización lingüística de Carballo, A Coruña e Pontevedra.

Acordouse a elaboración dun protocolo de colaboración entre ambas institucións, que abordará accións concretas de dinamización e promoción da nosa lingua, como o programa “Modo Galego, actívao!”, posto en marcha pola RAG e o Concello de Ames, e que xa acadou o premio Mil Primaverasde cara á súa extensión a outros municipios.

Henrique Monteagudo agradeceu o apoio na promoción desta iniciativa e amosou o interese da Real Academia Galega en proxectos compartidos entre concellos que promove Alingua como Enreguéifate, Youtubeiras, Club de Debate ou Apego.

Máis novas

O proxecto Vitamina G, do CEIP Sagrada Familia, entre os gañadores dos Premios Mil Primaveras

Que problemas ten o galego para ser útil en Internet?

Lamentan que non se permitise a entrada a Riazor dunha faixa co lema “O Dépor é da Coruña”