Nova conmemoración da nosa memoria histórica a realizada esta fin de semana na cidade, coa colocación de dúas novas lousas “stolpersteine”. A Asociación para a Recuperación da Memoria Histórica (ARMH) coa colaboración do Concello, achegábase dende a praza María Pita ata o antigo fogar dos Tallón Charlón, no nº. 14 da rúa da Franxa, para colocar estas ‘pedra de tropezar’, e render homenaxe aos irmáns Enrique e Francisco Tallón Charlón, coruñeses exiliados nos anos da Guerra Civil e que foron vítima da represión nos campos de concentración nazis durante a II Guerra Mundial.
Enrique e Francisco, nados nos anos 1912 e 1916 respectivamente, viviron o horror de campos de exterminio como Mauthausen. O primeiro deles morreu en decembro de 1941, tras o seu traslado ao de Gusen. Francisco, que conseguiu sobrevivir, faleceu a inicios dos oitenta na localidade austríaca de Linz.
No acto, ademais do Concelleiro Gonzalo Castro, participaron a voceira da ARMH en Galicia, Carmen García Rodeja, o investigador David Lozano e a activista Silvia Dinhof-Cueto —filla de deportados e amiga da familia Tallón Charlón—, acompañados por Maruxa Boquete na lectura de poemas programada no contexto da homenaxe aos irmáns, que tamén contou coa música da gaiteira Erea Estévez.
Máis novas de Memoria Histórica
A ARMH instala 10 novos stolpersteine lembrando víctimas do fascismo
