As obras de remodelación na avenida de Alfonso Molina, na Coruña, provocarán afectacións no tráfico este martes, día 10, a partir das 10.00 horas. Produciranse afectacións no ramal de saída cara a rúa Ginebra, sentido saída da cidade. Permitirase o acceso cara á Zapateira, inmediatamente despois da gasolineira Repsol.

Os destinos principalmente afectados son o Hospital Quirón e o colexio Peñarredonda, existindo itinerarios alternativos por ese motivo. Os accesos á fábrica de Coca-Cola durante ese día foron coordinados cos responsables da planta. Utilizarase o punto de saída de vehículos pesados como de entrada e saída. O corte efectuarase desde as 10.00 ata as 20.00 do martes 10 de xuño. As actuacións consistirán na execución de traballos de localización da tubaxe de abastecemento.