Rematou o Noroeste máis ecléctico que se lembra, nesta edición marcada pola tardanza na presentación do cartel e as polémicas declaracións do Concelleiro de Cultura.
Despois dun venres con pouca afluencia, a última noite de festival en Riazor (non houbo nin sequera concertos de vermú nin de tarde na xornada central do festival) provocou unha diversidade de impresións.
Abría as tarde unha das principais voces da música galega contemporánea, unha Guadi Galego que demostrou o seu poderío sobre o escenario lembrando que está chea de Vida, como rezaba o tema co que pechou o seu concerto.
Pero os que rezaban de verdade sobre o escenario foron os Siloé. Poucos dos que coreaban os seus temas, que se colan nas listas de spoty de bandas do indie estatal, sabe que Siloé é a fonte onde Xesús devolveu a vista a un cego. Poucos sabían de antemán que se trata dun grupo recoñecidamente cristiano que, pagado con cartos públicos, non deixou de lanzar mensaxes evanxelizadoras ao longo do concerto. Cunhas claras cruces cristianas como úunico atrezzo, cantaron o “Reza por min” ou pediron ao público que se collese das mans para “estar en comunión”, despois de loubar o bonita que é a nosa cidade, de avisar que algún día tocarán no Coliseum (como se o Noroeste fose un premio de consolación) e despois de saudar ao seu veciño, o vallisoletano Sergio Escudero.
O areal presentaba unha máis que aceptable imaxe, con máis xente que na xornada do venres, para recibir aos salvadores desta edición. Os británicos The Vaccines deron un concertazo espectacular, cos seus ritmos indies rock de comezos de século, que invita a volver canda eles, como canta o “If you wanna” co que pecharon o bolo que despide as 38 edición do Noroeste.
A xornada do venres:
A xornada do xoves:
Mondra levou de Ronda á mocidade herculina para Quererse ben
A xornada do mércores:
Outras novas do Noroeste
O devir do Noroeste tras convertirse no “mellor festival do estado”
https://xornaldacoruna.gal/2025/07/30/o-goberno-socialista-reconece-a-prevalencia-dos-festivais-privados-sobre-o-noroeste-quen-queira-ver-grupos-de-nivel-q
