A alcaldesa da Coruña, Inés Rey, recibiu esta tarde, no Palacio Municipal de María Pita, ao secretario de Estado de Memoria Democrática, Fernando Martínez López, na súa visita á cidade.

No encontro, a rexedora destacou que “a memoria democrática é un alicerce fundamental para entender quen somos como sociedade e para seguir avanzando en dereitos e liberdades”.

Tamén puxo en valor a importancia da colaboración institucional para a preservación da memoria democrática e a divulgación dos valores de liberdade e xustiza. Ademais, abordaron o traballo do Concello nesta materia e as actuacións para a recuperación da Casa Cornide ou as realizadas en relación ao Pazo de Meirás.