Hoxe, venres 5 de setembro sae á rede Carmucha VST, a primeira ferramenta de percusión galega completamente libre e de balde. Esta innovadora ferramenta está dispoñible en versións VST, AU e Standalone para Windows e Mac, permitindo aos músicos e produtores explorar máis de 250 patróns rítmicos, que inclúen muiñeiras, xotas, pasodobres e rumbas.
A ferramenta desenvolta polo músico coruñés Carlos Lijó representa un paso adiante na preservación e difusión da música tradicional galega, combinando tradición e tecnoloxía, e está dispoñible de balde para todos os músicos e produtores.
Carmucha ofrece dúas seccións principais: a Foliada, que simula unha foliada real con todos os instrumentos xuntos e un panel de mesturas para controlar volume, paneo e canal de cada instrumento; e a sección de Instrumentos individuais, que permite seleccionar e reproducir un a un diferentes instrumentos de percusión galega, como pandeiretas, tamborís, pandeiro e bombo.
Podes descargala xa en https://lijasvirtualsampler.
Máis novas
Carmucha VST, a primeira ferramenta virtual para percusión galega está feita por un coruñés
