O inicio do novo curso escolar, coincide tamén coa posta en marcha máis de cen actividades educativas municipais.
En paralelo están tamén as actividades extraescolares dos centros públicos que se desenvolven a través da Federación Provincial de ANPAS, (que ten un convenio co Concello por 425.000 euros), e para as cales o esforzo voluntario das familias das ANPAS é fundamental.
Son actividades impulsadas por diversas áreas municipais e entidades locais, con propostas que abranguen ciencia, arte, deportes, medio ambiente ou idiomas. Como novidade, o curso 2025-2026 contará co programa Chorus, centrado na educación musical coral, que culminará cun concerto no Coliseum xunto á Orquestra Sinfónica de Galicia.
Podedes consultar en https://www.coruna.gal/educacion/es/programas-educativos
Museos científicos
Ademais, o concello tamén propón unha nova edición do programa educativo da súa rede de Museos Científicos —Casa das Ciencias, Domus e Aquarium Finisterrae— cunha ampla variedade de actividades dirixidas ao alumnado de todas as etapas educativas, formuladas para que os colexios concerten visitas escolares.
Toda a info na web municipal.
Natación escolar
O Concello abriu tamén o prazo desolicitudes no programa de natación escolar de cara ao curso 2025-26. O programa, que se desenvolve en colaboración coa Federación das ANPA e as ANPA e centros públicos de educación primaria da cidade, vai dirixido especificamente ao alumnado de 3º e 4º de primaria. Este ano, a oferta será de 415 prazas, coas actividades repartidas entre as instalacións das piscinas municipais de Riazor, Santo Amaro e do complexo polideportivo de San Diego.
O prazo de solicitudes está habilitado ata o día 14 de setembro. As persoas interesadas en optar ás prazas dispoñibles terán que cubrir o formulario disposto na páxina web de Deportes, onde se irá actualizando toda a información referente ao proceso de asignación das prazas.
Máis novas
ANPA As Pedreiras: “Collo vacacións en setembro para poder resolver o comezo de curso”
ANPA Faro: “As administracións deberían facerse cargo da educación de 7.30 a 16.30h”
ANPA RASA: “Os centros públicos están privatizados case durante media xornada lectiva”
