Mentres na Coruña a cidade celebra a Semana Europea da Mobilidade, por Sada, a familia de ASPACE vén de lanzar unha campaña para concienciar sobre o uso axeitado das prazas de aparcamento de mobilidade reducida.
Unha campaña para lembrarlle á cidadanía que “as prazas de estacionamento para PMR non son un privilexio, senón un dereito, e que respectalas é fundamental para garantir a mobilidade e a autonomía das persoas con parálise cerebral”.
Durante a mañá de onte empapelaron un vehículo en Sada con carteis informativos e billetes en proposta pola ocupación iregular dunha praza de estacionamento PMR. Tamén entrevistaron á cidadanía, preguntándolle que farían se lles desen 200 euros, o importe da multa por estacionar ilegalmente nun PMR.
500 prazas e 1.400 multas ao ano
Hai 33 prazas de estacionamento para PMR en Sada, e máis de 500 na cidade da Coruña, pero aínda queda moito por facer para garantir o bo uso destas prazas, xa que só na Coruña, a Policía Local tramita máis de 1.400 multas ao ano por estacionamento ilegal nestas prazas.
Decálogo
A Semana Europea da Mobilidade tamén se celebrará para dar a coñecer o decálogo elaborado polo grupo de traballo “Exerce os meus dereitos”, formado por persoas con parálise cerebral. Levan meses traballando para darlle forma a este decálogo que inclúe recomendacións básicas como non ocupar unha praza de estacionamento sen tarxeta autorizada, evitar bloquear ramplas ou o acceso a estas prazas, non usar a praza “só por un momento” e respectar as prazas de descarga laterais.
Ademais do Decálogo, a campaña tamén inclúe un vídeo protagonizado por usuarios das organizacións membros baseado nos 10 puntos incluídos no Decálogo:
