Arrincou na praza de Pontevedra a Semana Europea da Mobilidade, baixo o lema ‘Mobilidade para todas as persoas‘. Unha Semana que comezaba anunciando a posta en funcionamento de catro novas bases, que ampliarán ata 61 o número de estacións dispoñibles na cidade.
Hoxe puxéronse en servizo dúas bases: unha entre os Cantóns e a Alameda, e outra en Agrela. O xoves está previsto habilitar a da praza da Concordia e a da rúa Camelias, no Barrio das Flores
Por outra banda, o programa inclúe o mércores está previsto un foro divulgativo sobre a nova ordenanza de mobilidade sustentable, que pon o peón e o ciclista por diante dos vehículos a motor
Unha das entidades que colabora na Semana é a Compañía de Tranvías, que presentou no seu posto un vídeo que ten como obxectivo darlle visibilidade ao programa ‘Móvete’ da Fundación ADCOR co que colabora e cuxo obxectivo é fomentar a autonomía no uso do transporte público das persoas con discapacidade intelectual.
