A Coruña captou 8,7 millóns en fondos europeos, que se destinarán a investimentos de rexeneración nos barrios dos Mallos e Sagrada Familia.

Estes fondos suporán un 60% dos investimentos, que suplementará o consistorio achegando o 40% do restante, ata os 14,5 millóns de euros.

Así o informou a alcaldesa, Inés Rey, tras a resolución provisional do Goberno central ao amparo da convocatoria para a asignación da senda financeira FEDER a Plans de Actuación Integrados de entidades locais, con cargo ao Fondo Europeo de Desenvolvemento Rexional.

“Estes fondos europeos convocáronse cunha perspectiva regeneradora, máis específica sobre ámbitos concretos, por iso focalizamos os investimentos en barrios populares da cidade como Os Mallos e a Sagrada Familia“, asegurou a rexedora con alusión, ademais, ás infraestruturas previstas con motivo da estación intermodal.