- O veciño CEIP Juana de Vega, tamén en loita.
— — —
Seguen en loita as familias do CEIP Valle Inclán para conseguir os mestres suficientes que permitan desenvolver un curso con dignidade. Despois de varias concentracións ás portas do colexio, a comunidade escolar expande a súa loita e trata de implicar a toda a cidadanía na defensa dun ensino público de calidade.
Así, convoca a todo Oleiros a unha andaina reivindicativa polo ensino público de calidade, que terá lugar este domingo 12 de outubro ás 12:00 h, con saída do Monumento aos Avós (Parque José Martí), paso pola rotonda do Che e chegada ao CEIP Ramón María del Valle Inclán.
Reiteran que no centro faltan mestres, e que este é o momento de facerlle entender á Xunta que se está “poñendo en risco unha educación inclusiva e de calidade, con perda de días lectivos e impacto na atención á diversidade, no reforzo nas aulas e nos proxectos didácticos (biblioteca, sección bilingüe, informática, robótica, horto, excursións, etc.)”.
Invitan ás familias de levar ás crianzas disfrazadas de superheroes, con mensaxes reivindicativas como “Sen mestres, nin os superherois poden voar” ou “Superheroe si, pero necesito reforzos”, para converter a marcha nunha “celebración colectiva pola defensa do ensino público e pola unión da nosa comunidade educativa”.
A andaina conta co apoio do Concello de Oleiros, que “manifesta abertamente o seu total apoio ás reivindicacións das ANPA do municipio a respecto da consecución de mellores servizos educativos púbicos e de calidade para todos os nenos e nenas”.
Loita tamén no cole de Perillo
A cousa non está mellor no CEIP Juana de Vega, de Perillo. A AFA Nós Oleiros segue en loita denunciando que “sen mestres non hai ensino”, e “Sen recursos non hai inclusión”, polo que piden tamén participar na manifestación despois de protagonizar unha folga o pasado 25 de setembro.
View this post on Instagram
Máis novas
As familia do CEIP Valle-Inclán de Oleiros saen á rúa: “Neste centro, faltan mestres!”
