InicioSOCIEDADEA Coruña, a única área sanitaria na que crecen os contaxios da...

A Coruña, a única área sanitaria na que crecen os contaxios da Covid

Publicada o

Por editor

O Servizo Galego de Saúde (Sergas) rexistrou 62 novos casos de coronavirus nas últimas 24 horas, pero mantense por baixo dos 800 infectados oficiais, cun total de 775 infeccións activas contabilizadas fronte ás 786 da estatística publicada este martes.

A área da Coruña rexistrou o maior repunte no número de casos activos, ao pasar de 107 dos datos publicados este martes aos 156 deste mércores (con datos do martes 24 ás 18,00 horas), 49 máis.

Pola súa banda, Lugo tamén experimenta un crecemento, ao pasar de 86 a 115, 29 casos máis en 24 horas. A área de Ourense sitúase con 84 (+2); Pontevedra, con 80 (-2); a de Vigo, con 134 (-13); a de Santiago 134 (-5); e a de Ferrol rexistra 65 casos activos, sete casos menos que na xornada anterior.

Do total de pacientes, dez están en UCI, a mesma cifra que se contabilizou este martes, e 122 en unidades de hospitalización, sete menos que na xornada anterior. O número de falecidos mantense, tras o seis notificacións efectuadas nos últimos días e que transcenderon este martes, nun total de 4.055 decesos vinculados á pandemia.

ÚLTIMAS

Cinco voces, ducias de argumentos para acodir á manifestación “Acabemos co negocio da Vivenda”

Manifestación histórica a que se vai vivir este sábado 5 de abril na Coruña,...

Os Premios María Casares escolleron Iribarne como a gran destacada da escena galega

Os XXIX Premios de Teatro María Casares xa teñen gañadoras. Un total de 17...

O PSOE de Cambre sinala que a alcaldesa non asumiu “erros” e actuou de forma “partidista”

O portavoz do grupo municipal do PSOE en Cambre, Diego Alcantarilla, acusou á alcaldesa,...

O Concello da Coruña solicita que a Xunta declare zona de mercado residencial tensionado na cidade

O Concello da Coruña solicitou á Xunta a declaración de zona de mercado residencial...

DEIXAR UN COMENTARIO

Please enter your comment!
Please enter your name here