Sala Gurugú da Coruña arrinca esta fin de semana co XIII Festival Internacional de Títeres da Coruña-Extensión Galicreques. O seu escenario, situado no número 3 da Rúa Agra de Orzán, recibirá entre esta fin de semana e a seguinte seis espectáculos de compañías procedentes de Arxentina, Chile e Colombia. As seis pezas serán a primeira vez que se representen, polo que neste 2025 Galicreques ofrecerá seis estreas na Coruña.

A programación de Galicreques na Gurugú comezará hoxe mesmo, venres 10 de outubro, ás 18.00 horas. A esa hora, estreará a compañía colombiana El Guiñol del Guiñol a obra El último árbol. Xa o sábado, igualmente ás 18, chegaralle a quenda a formación tamén colombiana La Pepa del Mamoncillo, que representará a súa obra A donde van los ríos. Finalmente, o domingo 12 ás 12.00 horas os arxentinos de Agarrate Catalina pecharán a primeira parte do Galicreques na Coruña co seu espectáculo inédito La Luna como testigo.

O venres 17, Galicreques retornará á Sala Gurugú ás 18.00 horas coa obra El Caballero sin espada, do grupo arxentino Pizzicatto Teatro. Xa o sábado 18, ás 12.00 horas, os chilenos de Títeres Candelilla ofrecerán un pase de Kuyen, sueño Mapuche. E para rematar co Galicreques 2025, a Sala Gurugú despedirase o domingo 19 do festival con El Chichón, formación chileno-arxentina que representará ás 12.00 Juan, María y los del 900.