Veciños e veciñas de Bergondo e representantes municipais mobilizáronse este martes en rexeitamento ao proxecto actual do Ministerio de Transportes para o ramal de conexión entre as liñas León-A Coruña e Betanzos Infesta-Ferrol, “que suporía a supresión do baipás de Infesta”, informan.

Durante a manifestación, as case 50 persoas participantes cortaron puntualmente a DP-0105 cunha pancarta coa lema ‘Por unha alternativa xusta. Cortiñán non se mutila’.

Coa mobilización, han demandando “unha alternativa máis sensata, máis económica e máis xusta, que minimice o impacto sobre o territorio e as vivendas da parroquia de Cortiñán”.

“Non estamos en contra da mellora das comunicacións ferroviarias, pero non vemos o beneficio común por ningún lado”, aseverou a rexedora, Alejandra Pérez.