Un pescador faleceu esta tarde na cidade da Coruña despois de caer ao mar desde unha zona rochosa. O accidente tivo lugar no Portiño, na parroquia de Visma, limítrofe con Arteixo. Ao redor das 16.00 horas, o 112 Galicia, que informa do sucedido, recibiu unha chamada dun particular que alertaba de que o home caera desde unha zona de rocas e xa non podía velo. O helicóptero Helimer, de Salvamento, encargouse de levar a cabo o rescate. No operativo tamén participaron Urxencias Sanitarias de Galicia, Gardacostas, Bombeiros e Policía Local da Coruña e Policía Nacional.