Unha vez que o Concello vén de rescatar as Escolas Deportivas Municipais, a CIG-Servizos demandou ao goberno municipal da Coruña que “de inmediato, tome as medidas necesarias para garantir que o persoal do programa ‘Lecer’ poida cobrar os seus salarios con normalidade. “A empresa Serviplus, que xestiona este servizo, débelle ás 48 traballadoras e traballadores a nómina completa de decembro, a paga extraordinaria de Nadal e cantidades diversas de meses anteriores”, sinala nun comunicado.

O sindicato lembra que Serviplus “é a mesma compañía que xestionaba ata agora as escolas deportivas municipais” e que a Xunta de Goberno local aprobou de urxencia a subrogación do persoal destas instalacións a Emvsa, así como que a empresa municipal se faga cargo do pago dos soldos. “Ante a insolvencia manifesta de Serviplus, CIG-Servizos reclama ao Concello da Coruña que adopte esta mesma resolución, ou unha medida semellante, para o programa ‘Lecer'”, engade.

Máis novas

Persoal das escolas deportivas municipais da Coruña secunda unha nova xornada de paro en demanda dos seus salarios

Confirman a viabilidade, extraoficial, das viaxes culturais de fin de cursos do Fórum e do Ágora