O Concello da Coruña comezou este luns as tarefas para reparar a duna de Riazor que resultou afectada as borrascas. Segundo indicou o Concello nun comunicado, para realizar os traballos atópase no punto unha retroescavadora de 30 toneladas para volver montar e perfilar a duna.

A concelleira de Medio Ambiente, Yoya Neira, detallou que está previsto que os traballos de reparación estean finalizados esta semana, dependendo das condicións meteorolóxicas. A barreira de area estará en Riazor ata mediados de maio, cando será retirada para deixar as praias preparadas para a tempada de baño, a partir do 15 de xuño.