A asociación veciñal Oza Gaiteira Os Castros prepárase para unha proxección moi especial. O Fórum Metropolitano acolle o vindeiro luns 2 de marzo ás 19:30 documental “O Aparecido”.
Dirixido por José Antonio Jiménez, o filme debulla a historia dunha curtametraxe de ficción gravada en 1981, en Super 8, por un feixe de novos artistas da provincia sobre a vida do poeta Manoel Antonio.
Esa curtametraxe extraviouse, pero no ano 2020 aparece de novo, para rescatar a súa historia, e contar como se fixo, por que se fixo e o movemento artístico teatral que acontecia na cidade da Coruña naqueles anos, coas entrevistas a os actores participantes Santiago Prego, Victor Mosqueira, Francisco Jorquera, Victor Barús e Luisa Veira entre outros.
