Un conato de incendio rexistrado a pasada noite nun tren de media distancia (MD) estacionado na Coruña provocou alteracións nos primeiros servizos da manaña deste este venres. Fontes de Renfe trasladaron que o conato se rexistrou pasadas as 23.45 horas e que no tren non había viaxeiros a bordo.
Quedou sufocado por persoal da compañía, aínda que ata o lugar tamén se desprazaron efectivos da Policía local e bombeiros. A raíz do conato, víronse afectados o primeiro servizo Avant da mañá entre A Coruña e Ourense, cuxos viaxeiros foron encamiñados nun tren AVE.
Tamén se viu afectado a primeira conexión Ourense-A Coruña, para a que se estableceu un plan alternativo de transporte por estrada para viaxeiros que partiron de Ourense. Os viaxeiros con orixe Santiago de Compostela xa foron encamiñados en tren.
