Encheuse a Praza das Conchiñas esta pasada mañá de sábado co gallo da concentración convocada pola Plataforma polo Deteiro á Vivenda. Co apoio da CGT, Galiza Nova, Podemos, a Plataforma Galega pola Defensa das Pensións Públicas e da Plataforma Monte Mero xa existe centos de persoas secundaron un berro unánime contra a especulación na vivenda, un ben que debería ser básico e asequible para todo o mundo.
Cantáronse arengas como ”Violencia é non chegar a fin de mes”, e ensináronse pancartas con lemas como “Garantir a Vivenda; erradicar a crise”, “Expropiacións dos pisos nos bancos fondos voitre e caseiros rendeiros”, “Todas as casas para a nosa clase”
A Plataforma escollía o barrio con máis densidade de poboación de Galicia, tradicionalmente un barrio obreiro e hoxe en día un barrio multitucultulra, onde 30.000 habitantes compiten por menos de 20 pisos ofertados, todos por riba dos 650 €.
Na lectura do manifesto recordaron datos coma este, o como o que sinala que o prezo medio do aluguer subiu máis dun 45% en cinco anos e máis dun 80% en dez anos (un piso que hai dez anos custaba arredor de 400€, custa hoxe 750€ ou máis), “unha barbaridade se temos en conta que o salario máis común ronda os 1200€ brutos ao mes”.
Os datos da compra de vivenda tamén son escalofriantes: “Os prezos subiron en dez anos máis dun 65% e o metro cadrado supera xa os 2400€, mesmo en pisos que teñen máis de 40 anos”.
Mobilización ante a escpeculación
Con todo, a Plataforma, considera que esta situación “está pasando no resto da cidade, e tamén no conxunto do país”. E poñen o foco na especulación, no feito de que a vivenda tense convertido nun negocio.
Poñen o foco nas vivendas turísticas de plataformas como AirBnB e tamén as vivendas de aluguer temporal, pero recoñecen que “o problema é máis profundo”. “Grandes fondos de investimento, empresas e capitais financeiros están convertendo un dereito básico nun negocio”. “Só arredor do 20% das vivendas que se compran no noso país son para primeira vivenda. O resto son investimento ou especulación”, lembraron.
”E fronte a isto só hai unha resposta posible: organización social e mobilización”, para obrigar aos gobernos a tomar medidas. Porque o parque vivendas en España non chega ao 3%, cando noutros países de Europa chega ao 10%. E porque hai medidas que se poden tomar, como:
- Prohibira compra e venda de vivenda con fins especulativos.
- Penalizar con impostos progresivos a quen acumule máis de dúas vivendas.
- Penalizar mediante o IBI as vivendas baleiras.
- Impedir que fondos voitre merquen vivendas.
- Prohibir Vivendas Turísticas e zonas con problemas de acceso á vivenda.
- Construír vivenda pública para aluguer social, venda ou concesión, impedindo a súa venda.
- Derogar a lei das SOCIMI.
View this post on Instagram
Nova Asemblea
A entidade aproveita a convoca unha nova asemblea no propio barrio da Agra do Orzán, para este luns 16 de marzo ás 20:00h, no local da CGT, na Rúa Entrepeñas, 6.
Máis novas
Luz verde ambiental á “bomba urbanística” para construír máis de 4.000 vivendas en Monte Mero
As 10 promocións urbanísticas formuladas na Coruña prevén a construción de 18.000 novas vivendas
