O Festival Atlantic Pride vén de ser galardoado nos prestixiosos Iberian Festival Awards -entregados esta noite en Ponta Delgada (Azores, Portugal)- co Premio nacional á Contribución á Igualdade.

O ‘Orgullo do Norte’, impulsado pola Asociación Orgullo Coruña -ORCO- , co patrocinio institucional do Concello da Coruña e o apoio da Deputación da Coruña, consegue así un novo fito mentres pon en marcha a súa 7ª edición.

“Estamos felices… pero sobre todo orgullosxs”, relatan dende a organización. “Porque este premio fala do que somos: un festival aberto, diverso e comprometido, construído entre artistas, público, equipos e todas as persoas que defendedes que a cultura tamén pode cambiar as cousas. Grazas por facer posible o #OrgulloDoNorte agora e sempre. Vémonos no #AtlanticPride2026 da Coruña!”.

Máis novas do festi

As bandas galegas Arde, Jonydasvie, Montedapena e Raze súmanse en xullo ao festival coruñés Atlantic Pride

[Galería]: 45.000 persoas ratificaron o Atlantic Pride como a cita máis Orgullosa do norte do estado