InicioA CORUÑAAs VTC volverán copar o pleno

As VTC volverán copar o pleno

Publicada o

Por Ubaldo Cerqueiro

A nova mobilización dos taxistas da pasada semana volve traer á actualidade a problemática cos vehículos de transporte con condutor. Uns VTC (xa operan Uber, Cabify e Bolt) que teoricamente só poden facer viaxes interurbanas, entre concellos diferentes.

Coa Xunta lavando as mans e deixando a papeleta no tellado municipal, o goberno xa se comprometeu no pleno de xaneiro a afrontar unha nova ordenanza. Con este panorama e tendo en conta que c, omo lembraba o PP; o goberno esqueceu incluír esta problemática na ordenanza de mobilidade aprobada o pasado mes de setembro, os partidos políticos apretan de novo ao goberno municpal no pleno do vindeiro xoves 9 de abril.

A postura do PP sobre as multas

O Partido Popular (PP) presentou unha pregunta oral para saber por que a policía municipal non está a sancionar os servizos de transporte por conta allea que incumpren a normativa. “Os taxistas pregúntanse por que a policía local non impuxo ningunha multa aos servizos de transporte por conta allea que incumpren a normativa. Ven demasiada inacción por parte do goberno municipal e non a entenden”, di Miguel Lorenzo.

O voceiro lembra que “a Xunta enviou ao concello 245 multas para 2025, das cales o goberno municipal só notificou 36, e algunhas empresas afirman non ter recibido ningunha. Algo estraño está a pasar coas multas”.

Sinala que as protestas dos taxistas son por unha única razón: “que se cumpra a normativa”. Neste caso, afirman que os servizos de transporte por estrada non poden funcionar en zonas urbanas, que se deben reservar con polo menos 15 minutos de antelación e que non poden recoller pasaxeiros nas paradas de taxi.

A postura do BNG

A candidata do BNG á Alcaldía, Avia Veira, vaille dirixir unha pregunta oral a Inés Rey: “Cal é o interese de Inés Rey en legalizar os VTC na Coruña?”. “A pregunta dirixímoslla directamente a Inés Rey. Está claro que algún interese ten. Unha e outra vez, Inés Rey di que hai que legalizar os VTC e que son necesarios na cidade da Coruña”, afirma a nosa concelleira.

A opinión do BNG é contraria. “O noso interese é o de defender o sector do taxi, que é un servizo público, e que afronta a competencia desleal dos VTC [vehículos de transporte con condutor]. Se o servizo do taxi ten déficits, o que nos cabe ás administracións públicas é pór os medios para mellorar a súa situación e non darlle entrada na nosa cidade, e normalizar, a presenza de Cabify, Uber e Bolt”.

Veira chama a que non se incumpra a Ordenanza Municipal de Mobilidade -negociada polo Goberno Local co BNG- e a que non se conculque “constantemente” a lei autonómica “que establece con clareza que os VTC non poden realizar viaxes urbanas”, isto é, que se debe limitar ao transporte interurbano. A insistencia de Inés Rey en legalizar os VTC contrasta coa súa falta de interese á hora de impulsar o novo servizo de bus urbano na Coruña [o actual contrato, xa caducado, foi prorrogado durante dous anos, sen introducir melloras]. “Esa si que sería unha medida efectiva para afrontar os problemas de mobilidade que temos na Coruña e, desde logo, un bus urbano que responda ás necesidades das coruñesas e coruñeses si que sería complementario co servizo do taxi”.

Máis novas

Os taxistas volven mobilizarse masivamente na Coruña para esixir que os VTC “cumpran a lei”

A Xunta afirma que son as cidades galegas as que deben dicir o funcionamento das VTC: “Respectarémolo”

O Concello afrontará unha nova ordenanza sobre os VTC

A Xunta interpuxo 112 multas a vehículos VTC por servizos urbanos na Coruña

ÚLTIMAS

As últimas estimacións de voto na Coruña de cara ás Eleccións Xerais do 29N: A loita polo 8º deputado

Hoxe, 19 de novembro é o último día para solicitar o Voto por Correo,...

ADEGA pide aproveitar as obras da pasarela para eliminar as comportas da “lagoa” de Fonteculler

A “lagoa” de Fonteculler é unha pequena acumulación de auga creada de forma artificial...

(VÍDEO): Desaloxan varios colexios da Coruña tras recibiren sendas falsas ameazas de bomba

Mañá axitada en varios colexios da cidade. Os CEIP Zalaeta, CEIP Raquel Caamacho, o...

Máis dun centenar de obras preséntanse aos Premios Mestre Mateo, con entrega de galardóns en febreiro

Un total de 155 obras presentaron candidatura aos XXV Premios Mestre Mateo, cuxa gala...

DEIXAR UN COMENTARIO

Please enter your comment!
Please enter your name here