Levaban máis de 200 delitos cometidos entre xullo de 2023 e decembro de 2025 en máis de quince concellos galegos. A Garda Civil e a Policía Nacional veñen de desmantelar  un grupo criminal itinerante especializado en roubos con forza e roubo de dispositivos móbiles en grandes eventos e celebracións populares na comunidade autónoma de Galicia.

Ata o de agora, dous homes, considerados os líderes da organización criminal, foron detidos e imputados por presuntos delitos de roubo a man armada, furto, danos informáticos, revelación de segredos e pertenza a grupo criminal.

A Operación GALAXIA AIMALUM detectou que o grupo, cun piso na Corua como se sede, trasladábase a festas ou eventos (como o Entroido de Ourense, o ArdeLucus, ou festas patronais de vilas do litoral galego) para roubar os dispositivos distraendo aos seus lexítimos propietarios ou, se fose necesario, empregando violencia mediante agresións físicas ou roubos.

Tras o roubo físico dos dispositivos, o grupo implementaba técnicas sofisticadas para eludir as medidas de seguridade e usar software malicioso. Mediante enxeñaría social, suplantaron o servizo de soporte técnico do fabricante do dispositivo e enviaron ligazóns fraudulentas ás vítimas. Deste xeito, obtiñan as credenciais de inicio de sesión para os servizos de almacenamento na nube, desconectando a xeolocalización dos dispositivos, tomando o control total dos dispositivos e bloqueando o acceso das vítimas á súa propia información persoal.

A operación levouse a cabo por etapas, en diferentes fases policiais destinadas a previr novos delitos.

Un dos líderes da rede foi detido na véspera das festas do Entroido de 2026, mentres que o segundo líder foi interceptado á súa chegada a España, coincidindo co inicio da operación de seguridade de Semana Santa. Executáronse ordes de rexistro en dúas propiedades situadas na cidade da Coruña.

Durante os rexistros, os axentes incautáronse dos seguintes artigos:

• 12 dispositivos móbiles de alta gama roubados previamente.

• Diversos disfraces e traxes utilizados polos autores para mesturarse coa multitude.

A operación segue aberta e son posibles máis detencións para desmantelar completamente a rede criminal.