InicioBARRIOS"A nova concesión das escolas infantís fragmenta o modelo educativo e afonda...

“A nova concesión das escolas infantís fragmenta o modelo educativo e afonda na externalización”

Publicada o

Por Redacción

Tras críticas do BNG, tamén o movemento Sumar A Coruña vén de cuestionar unha adxudicación da rede de escolas infantís. O Concello decidiu abrir o procedemento de licitación e escolleu empresas con sede fóra da cidade no canto de manter as concesións aos colectivos formados por formadoras que levaban o peso das escolas durante a última década. Dase a circunstancia que o proceso desenvolveuse despois dun par de anos de protestas por parte das traballadoras das escoliñas.

Para Trinidad Palacios, esta concesión “fragmenta o modelo educativo e afonda na externalización”, e destaca catro problemas de fondo: “o peso dos criterios económicos, a ruptura da coherencia educativa da rede, a consolidación dun modelo externalizado en mans de empresas multiservizos e a necesidade de blindar os dereitos das traballadoras”.

A formación considera preocupante que as familias leven semanas cuestionando o peso dos criterios económicos fronte á experiencia e á continuidade dos proxectos educativos, así como a entrada de compañías multiservizos na xestión dos centros. “Falamos de crianzas, de profesionais e de proxectos construídos durante anos. A educación pública municipal non pode funcionar coa lóxica dunha poxa”, afirma a voceira de Movemento Sumar Coruña.

Sumar Coruña alerta tamén da fractura que pode producirse dentro da propia rede municipal, con escolas que manteñen a súa xestión e outras sometidas a novos proxectos vinculados ás empresas adxudicatarias. “Se falamos dunha Rede de Escolas Infantís Municipais, ten que existir un proxecto común. O modelo educativo non pode depender da empresa que gañe cada contrato”, sinala Palacios.

Para Movemento Sumar Coruña, a adxudicación volve poñer sobre a mesa unha cuestión máis profunda: “por que un servizo público esencial segue dependendo estruturalmente de empresas externas, incluídas compañías multiservizos, en lugar de avanzar cara a fórmulas de xestión pública directa”.

Máis novas

O Concello adxudica a xestión da rede de escolas infantís municipais

As traballadoras das Escolas Infantís Municipais reclaman na rúa “feitos concretos”

ÚLTIMAS

Outra noite de pelexas na Coruña sáldase cun ferido por arma blanca

Un home resultou ferido nunha pelexa entre varias persoas nun local da Coruña e...

Rapahel suspende o seu concerto minutos antes de comezar a súa actuación na Coruña

Raphael suspendeu o concerto previsto para a noite do sábado, 21 de novembro, no...

Ferido grave un mozo de 18 anos tras ser atropelado por un coche no paseo marítimo

Un mozo de 18 anos resultou ferido grave na Coruña tras ser atropelado por...

Centos de persoas protestan contra Vito Quiles na Coruña: amplo despregamento policial e berros contra o fascismo

Varios centos de persoas secundaron unha protesta na Coruña contra o "fascismo" ante a...

DEIXAR UN COMENTARIO

Please enter your comment!
Please enter your name here