Incrible o vivido no minuto 12 en Riazor este domingo no transcurso do partido ante o Valencia. O segundo partido en casa en 1ª División en 8 anos, e o primeiro que chegaba cun ambiente máis amable, despois do terremoto social provocado pola directiva.
A produtiva reunión celebrada este venres entre directiva e os representantes das Peñas (agora si recoñecidos como interlocutores válidos despois de varias intentonas de ningunealos) permitiu que o branquiazul volveuse á bancada de Maratón Inferior. A Federación de Peñas, os Riazor Blues e os Old Faces invitaban á afección a borrar o laranxa protesta (e as camisetas que rezaban “Prisión Maratón Inferior”) e devolver o branquiazul á zona de animación.
O momento de paz estaba previsto para o minuto 12 (o simbólico dorsal da afección) e non puido ser máis especial. Os afeccionados comezaron a quitarse as camisetas laranxas, que usaron como bufandas para comezar a cantar o DaleDé, provocando que todo o estadio se puxese a cantar e saltar como tolos.
Non acabou o primeiro cántico e xusto aí marcou o Dépor nun córner en área contraria, gracias a un centro de Luismi e un remate en propia. Estoupaba Riazor.
De contado Aubameyang demostraba que está para facer historia no Dépor e cunha gran cabalgada tras un pase enorme de Mario definía como as estrellas. Só un regalo de Ede puxo ao Valencia no partido, pero o Dépor, comandando por Mario e Amatucci, era claro dominador.
Na segunda, un xigante Bil (fixo un auténtico partidazo o camerunés) ampliou a renda e certificou a primeira vitoria do Dépor en 1ª tras 8 anos polo barro, así como a volta da paz social.
Máis novas
As protestas contra a directiva e a censura colocan ao Dépor nun crú momento de fractura social
A inxustiza, o relato, e a xentrificación poden levar por diante o mellor momento do Deportivo
