Vai ser unha das zonas infantís máis importantes da cidade, na que o Concello da Coruñavai investir case 1,3 millóns de euros.
Hoxe comezaron os traballos da nova área infantil da praza de Portugal, “un gran complexo que mellorará o equipamento lúdico nunha zona emblemática”, asegura o goberno local.
A zona estará especialmente pensada para nenos e nenas de cero a doce anos, precisa. A obra ten un prazo de execución duns doce meses e, actualmente, está na fase inicial.
Este novo espazo dotarase de elementos de xogo con paneis ópticos e tamén zonas para nenos e nenas con mobilidade reducida, xunto coa substitución da zona de xogos actual por outra de calistenia.
A intervención forma parte do Plan de barrios 2025-2027, como o Parque cuberto do Ventorrillo, a piques de ser rematado.
Tamén a zona deportiva de Visma
Igualmente comezan obras da nova zona de deportes de praia de San Pedro de Visma. As obras, cun prazo de execución de dez semanas, mellorarán a drenaxe, a iluminación e a seguridade do recinto
Aproban 1,4 millóns de euros para a ampliación do parque infantil da Praza de Portugal
En marcha a creación dunha zona de deportes de praia de San Pedro de Visma
