O Concello da Coruña promove unha campaña de concienciación no lecer noturno polo Samaín xunto á hostalaría e os veciños, no marco duns días cunha ampla programación de actividades gratuítas para todos os públicos nos centros cívicos.

A alcaldesa, Inés Rey, presentou este martes a campaña, acompañada polo presidente de Galicia de Noite, Luís Diz; a presidenta da Federación de Asociacións Veciñais da Coruña, Luisa Varela; o director de Relacións Institucionais de Fillos de Rivera, Rubén Valverde, e Vicente Pizcueta, director de Comunicación e Programas da Federación Empresarial Nacional de Lecer e Espectáculos (España de Noite).

Rei lembrou que o consistorio ampliará en dúas horas os horarios de apertura dos locais de hostalaría a partir da noite do 30 de outubro ás 22.00 horas e ata as 24.00 horas do domingo 1 de novembro.

Ademais, presentouse a campaña de concienciación ‘Pásao de medo sen molestar aos demais’. “O camiño para conseguir unha cidade mellor, máis amable, acolledora e comprometida pasa, necesariamente, pola concienciación de todos e todas”, aseverou a rexedora.

Os 10 Samaweens que fan barrio na Coruña: Comezamos por Monte Alto