Tras 3 semanas e media sen poder traballar, as praceiras do Mercado de Monte Alto estrearon as novas instalacións erixidas na Praza Indalecio Prieto. A imponente carpa de 850.000€ acolllerá durante, polo menos, 26 meses, a Praza de Abastos do barrio, mentres se desenvolven as obras do proxecto de reforma da praza.
Esta mañá, o Mercado era un fervedoiro. O interese por ver o novo mercado, así como a visita da comitiva municipal e un colectivo con diversidade funcional da zona, facían tanto os postos como a cantina estivesen a tope.
As praceiras recibían cun clavel da Floristería Fran, e unha bolsa de rafia da Federación Galega de Praza de Abastos a cada cliente.
A meirande parte das praceiras recoñecían estar contentas coas cómodas instalacións, e ilusionadas e esperanzadas con manter a xente de sempre e ter novos clientes.
Ben é certo que a propia zona da praza onde se ubican as oficinas de Urbanismo é unha zona residencia de xente algo máis nova que no corazón de Monte Alto, en Hércules, e que moitos dos residentes non poderán acodir ao mercado os días de semana. Así e todo, esperan que xentes de Orillamar, Avda. Navarra, Santo Tomás… se vaian sumando á clientela de toda a vida.
View this post on Instagram
