Na noite do xoves 30 de marzo tivo lugar na Taberna Lume e Ferro o 2º evento do Poetry Slam Carral 2023. Tal e como aconteceu no evento do mes de febreiro, o local estivo totalmente cheo de público que apoiou incondicionalmente os 15 poetas que participaron e entre os que se atopaba a madriña do evento, Luz Fandiño. Entre as partipantes, hai que destacar as achegas de varias alumnas e alumnos do IES David Buján que compartiron a súa poesía cos asistentes.
Do alumnado deste Instituto saíu a gañadora deste segundo evento, Alba Rodríguzez García, de Sigrás, no concello de Cambre, que emocionou a todo o mundo co seu poema e o seu xeito de recitalo.
Alba acompañará a Lucía Ugarte (@debajodelapalmera) na gran final do Poetry Slam Carral 2023. Para poñerlle música ao evento, esta vez tivemos a grande honra de contar con Sheila Patricia, que presentou algúns temas do disco Orixe, que podedes adquirir a través da súa páxina web (https://sheilapatricia.es/). Dende a organización do Poetry Slam, agradecémoslle de corazón a súa disposición e colaboración.
Xa están abertas as inscripcións para o 3º evento do Poetry Slam Carral 2023, que terá lugar o xoves 27 de abril, como sempre, na Taberna Lume e Ferro. Para inscribirvos só tedes que mandar un correo á dirección aeclacrar1@gmail.com cos vosos datos de contacto: Nome e Apelidos, correo e número de teléfono.
