Os sindicatos CSIF, STAJ, CC.00 E UGT volven convocar paros parciais diarios de tres horas a nivel estatal e con carácter indefinido a partir do día 17 de abril na Administración de xustiza. Uns paros convocados para “esixir a paralización da tramitación parlamentaria da Lei Orgánica de Eficiencia Organizativa no sector público da Xustiza, e en defensa de melloras retributivas e profesionais para todo o persoal de Xustiza na mesma liña das aprobadas para os letrados desta administración, asemade pedimos que as nosas funcións sexan definidas dunha maneira clara, unha reivindicación longamente perseguida”.
O vindeiro día 17 de abril ás 11:00h están convocadas concentracións de protesta diante dos edificios de xulgados dos sete partidos xudiciais máis importantes de Galicia: ACoruña, Santiago, Ferrol, Lugo, Ourense, Pontevedra e Vigo.
Todo como previa á folga xeral e manifestación en Madrid do vindeiro 19 de abril.
