• Aprobouse unha moción para poder licitar as obras de reurbanización dos Cantóns.
• Moita polémica xerada arredor do cuarto Modificativo de Crédito aprobado polo goberno.

— —-

Celebráse esta mañá de xoves 12 de setembro (máis de 5 horas…) o pleno no Concello da Coruña. Un pleno que arrincou con 16 minutos de silencio, un por cada unha das 15 mulleres e unha crianza vítimas de violencia machista do último mes.

Volveu ser un pleno bronco, con tres bloques decididos e coalicións cruzadas, con malas palabras e alusións directas entre concelleiros. “A chapuza dos Manolo e Benito do Concello”, chegouse a escoitar na voz do edil popular Rodríguez en relación á falta de modificacións Lage Tuñas e Gonzalo Castro. A propia alcaldesa Inés Rey pediu ao remate do concello que se manteña o “respecto” entre os edís.

O punto máis importante da orde do día, a pesar do silencio do goberno na información municipal, foi a moción presentada polo BNG sobre o futuro das Xubias. Unha moción aprobaba cos votos de BNG e PP que rexeita o convenio co fondo de investimento suizo.

Un convenio que, en calquera caso, o grupo de Goberno xa se encargou de avanzalo sen consenso, e que se atopa en período de alegacións, pero que “esta moción non impide a súa continuidade”, deixou claro Lage Tuñas.

A voceida do BNG presentaba a moción e denunciaba que o proxecto “só pretende beneficiar os intereses privados” do fondo de investimento, e “en ningún caso atender os da cidadanía coruñesa”. Tanto BNG como PP lembraron que o vén mercando parcelas na zona durante os últimos anos, e que agora “vén para facer negocio”, como denunciou Miguel Lorenzo, que tamén preguntou polo papel Isabel Pardo de Vera, consultora do fondo suizo e encargada do proxecto de humanización do porto.

Fixeron fincapé ademais á necesidade de que pase polo pleno para a súa aprobación definitiva unha modicación acordada en 2022 sobre o PXOM de 2013, que finalmente nunca foi ratificada, pero que reduciría a edicabilidade de 633 a 241 vivendas.

Ante as críticas do PP, que esta semana deixaba claro que non ía negociar co PSOE, como deixara caer a rexedora trala negativa do BNG, Lage Tuñas negou a maior sobre a falta de transparencia do grupo de goberno neste procedemento.

Outros puntos: Reurbanización dos Cantóns: “A dase cero da nova fachada marítima”

Aprobouse unha modificación do anexo de investimentos nos orzamentos do Concello para este 2024, unha medida que permitirá licitar as obras de reurbanización dos Cantóns (anunciadas en xuño) antes de que remate este ano, por un total de 8 millóns de euros.

Modificativos de crédito

Moita polémica arredor do cuarto modificativo de crédito, ante a falta de concreción e os reparos de intervención. Uns modicativos que permitirán apoiar ao Básquet Coruña na súa tempada na máxima categoría do baloncesto español (250.000 euros). Tamén se destinan 50.000 euros á Asociación de Clubes de Traineras para a organización de competicións na cidade e outros 10.000 euros para APEM para apoiar á entidade na xestión dos cabaliños de Méndez Núñez, entre outras cousas.

Pocomaco

Ademais, hoxe aprobouse inicialmente a addenda complementaria ao convenio urbanístico de execución para a regularización do viario, servizos e instalacións do polígono de Pocomaco. Este convenio é necesario para resolver unha situación anómala existente desde hai máis de cincuenta anos en Pocomaco, de titularidade privada. Así, a Comunidade de Propietarios poderá executar as obras para mellorar os accesos peonís e a iluminación nun prazo de 4 anos e cun investimento de 1,6 millóns por parte da mesma.
Tamén se fará un investimento de 1,9 millóns (sufragados ao 50% polo Concello) do sistema de reixas salvacunetas para a introducición de técnicas de drenaxe sostibles, mellorando así a rede de saneamento para a recollida de augas residuais e pluviais.

Programa Éfeso de inserón laboral

Tamén se aprobou o investimento de 2 millóns de euros para a participación do Concello no programa Éfeso, cofinanciado con axudas do Fondo Social Europeo Plus (FSE+). Un programa de inserción laboral que se desenvolverá no triángulo que conforman a segunda fase de Elviña, Monelos e o Barrio das Flores, o vertebrado pola Agra do Orzán, Labañou e Os Rosales e, por outra banda, a Sagrada Familia e Os Mallos.

Cambio de rumbo na política cultural

O BNG pediu un cambio de rumbo na política cultural do Executivo coruñés, que non se discriminen xs creadorxs locais fronte aos artistas foráneos protagonistas dos grandes eventos”. Así mesmo solicitaron que “se avance na unificación da rede das bibliotecas municipais”, paralizada dende hai tempo.