Inicio Blog Páxina 608

A Coruña dá un novo paso para converterse en referente no ámbito das TIC

europapress
-
0
A Coruña dá un novo paso para converterse en referente no ámbito das TIC

A Universidade da Coruña (UDC) e a empresa Minsait, filial de Indra, colaborarán en materia de formación e transferencia na área de Intelixencia Artificial. O reitor da UDC, Xullo Abalde, asinou esta mañá un convenio de colaboración co director Global de Cloud, Javier Muñoz Lagarón e o director Global de Administracións Públicas, Luís Fernández Hernando, da empresa Minsait.

O obxectivo do acordo é fomentar accións de formación e transferencia tecnolóxica no sector das Tecnoloxías da Información e a Comunicación (TIC), especialmente enfocadas na área de coñecemento e aplicación da Intelixencia Artificial.

A firma do convenio tamén contou coa presenza da alcaldesa herculina, Inés Rei, xa que Concello e Universidade promoven proxectos para potenciar A Coruña como referente no ámbito do TIC, co proxecto da Cidade do TIC, e a Intelixencia Artificial, coa consecución da sede da Axencia Española de Supervisión da Intelixencia Artificial (Aesia).

“É a primeira pedra para facer que a Aesia sexa unha realidade e axude ao desenvolvemento da universidade e a cidade”, sostivo Abalde. Pola súa banda, a alcaldesa incidiu en que este convenio é “un paso máis na configuración da Coruña como unha cidade de referencia nacional e internacional no ámbito da tecnoloxía“.

CCOO asina o preacordo do convenio de comercio vario da Coruña que regula as condicións laborais de “máis de 22.000 persoas”

europapress
-
0
CCOO asina o preacordo do convenio de comercio vario da Coruña que regula as condicións laborais de “máis de 22.000 persoas”

A Federación de Servizos de CCOO de Galicia asinou o preacordo do convenio de comercio vario da provincia da Coruña que regula as condicións laborais “de máis de 22.000 persoas” e recolle “incrementos salariais e diferentes melloras de carácter social”.

Segundo explica a central sindical nun comunicado, os incrementos pactados no documento, que deberá ser validado pola afiliación do sindicato antes da súa ratificación, supoñen unha “actualización inmediata de salario do 11,5 por cento no momento no que o texto entre en vigor”.

No capítulo salarial, puntualiza, páctanse incrementos retributivos do “4% para o ano 2021, do 3,5% para 2022 e de 4% para 2023, sumando un 11,5% entre o tres anos”. Para 2024 e 2025, a subida acordada é de “un 3% para cada exercicio”. Así mesmo, o preacordo contempla que se pagarán atrasos con data de xaneiro de 2022 “que se abonarán durante a vixencia do convenio”, segundo explica.

DOMINGOS E FESTIVOS

En canto ao traballo en domingos e festivos, indica, abonaranse “con 25 euros para os anos 2023 e 2024 e con 30 euros a partir do 2025”. As tardes dos días 24 e 31 de decembro suporán “12 euros por hora a partir dás 14,00”.

Das melloras salariais, CCOO destaca, entre outras, a actualización do salario de encargado ou encargada “cun soldo inicial de 1.125,73 euros –nas táboas vixentes era de 1.080,64–“, sobre o que se aplicarán os incrementos pactados.

Dos complementos, recalca un plus compensatorio de beneficios “de 200 euros mensuais para as empresas cun cadro de persoal na provincia de máis de mil persoas e beneficios no últimos tres anos”.

Respecto das melloras sociais, o sindicato indica o aumento dos permisos de matrimonio ou parella de feito a 20 días e a un mínimo de cinco días a de falecemento ou enfermidade, entre outras medidas. Como novidade, CCOO incide na incorporación ao ámbito deste convenio do persoal do sector da venda de mobles “cuxo convenio estaba sen renovar desde o ano 2011”.

A Coruña terá voo directo con Abu Simbel, en Exipto

editor
-
0
A Coruña terá voo directo con Abu Simbel, en Exipto
O aeroporto de Alvedro foi un dos poucos elexidos no conxunto do Estado pola operadora de turismo española SamaTravel para viaxar de xeito directo a Exipto, sendo o 11 de maio a primeira data escollida para a saída , que terá unha segunda saída o 20 de xullo. Esta serie de voos sairá tamén desde os aeroportos de Murcia, Albacete, Valladolid, Zaragoza, Selecta, Sevilla, Palma, Alacante, Pamplona, Asturias, Barcelona e Madrid, e as súas primeiras datas de saída xa poden consultarse na web do Operador de turismo.
O director xeral de SamaTravel, Mohamed Ali, non descarta que a lista de cidades se amplíe nun futuro. “Gústanos achegar Exipto ao maior número de autonomías españolas, facilitando así o acceso a este destino tanto ao maior número posible de viaxeiros (evitándolles desprazamentos e gastos innecesarios), como ao maior número de Axencias de Viaxe españolas, que contarán así cunha nova oportunidade de negocio, que sen dúbida resulta moi atractiva para a súa venda”, indicou nun comunicado.
Esta empresa xa ofertou desde Galicia 750 prazas o pasado ano en voos directos a Luxor desde Santiago e A Coruña, cifra que este ano se ampliaches até as 900 prazas con 4 voos desde Santiago a Luxor e os 2 voos de Coruña a Abu Simbel. “A nosa iniciativa de achegar Exipto a Galicia xa recibiu o pasado ano unha acollida espectacular cos 5 voos completos, e este ano vai polo mesmo bo camiño”, sinala Mohamed Ali, director xeral de SamaTravel.
A empresa ten xa deseñados os paquetes turísticos de 8 días e 7 noites que se comercializarán xunto a estes novos voos, e que inclúen unha noite en Abu Simbel, 3 noites de cruceiro polo Nilo e 3 noites máis no Cairo, asegurando así unha completa visita aos principais atractivos turísticos de Exipto.

O BNG presenta a lista completa para A Coruña

Ubaldo Cerqueiro
-
0
O BNG presenta a lista completa para A Coruña

Presenta esta mañá a foto e a lista completa da candidatura o BNG para as eleccións municipais do 28 de maio, rexistrada o pasado xoves diante da Xunta Electora. Os 27 candidatxs da formación nacionalista reuníronse na Coiraza do Orzán para protagonizaren unha fotografía de grupo.

“Concorremos a estas eleccións, cun triplo aval: o traballo feito durante o mandato en María Pita, a experiencia exitosa dos distintos gobernos municipais do BNG –de Pontevedra a Carballo- e unha candidatura caracterizada tanto pola súa solidez e solvencia como polo seu amor, a súa paixón pola Coruña”, destaca.

Jorquera sinalou que é unha lista “con moitas persoas novas e preparadas”, “con persoas de perfil profesional variado: traballadores, profesionais, xestores empresariais…”, e unha lista “moi representativa da cidade de barrio que somos”.

Candidatura do BNG da Coruña eleccións municipais 28 de maio de 2023

  • 1.       Francisco Jorquera Caselas
  • 2.       Avia Veira González
  • 3.       Mercedes Queixas Zas
  • 4.       David Soto Díaz
  • 5.       Ignacio Siota Mouzo
  • 6.       Guadalupe Martínez Junquera
  • 7.       Jorge Castro Ruso
  • 8.       María Seijo García
  • 9.       Raimundo Martínez Fraga
  • 10.   Carlos Varela Souto
  • 11.   Celia Armas García
  • 12.   Manuel Francisco Méndez López
  • 13.   Keina Espiñeira González
  • 14.   Iria Buxán Raposo
  • 15.   Fiz Seixo Vázquez
  • 16.   Rocío Gómez Lema
  • 17.   Iago Pazos Díaz
  • 18.   Belén Gallart Concheiro
  • 19.   Xabier Pérez Couto
  • 20.   Pablo Méndez Carreira
  • 21.   Teresa Ramiro Fernández
  • 22.   Manuel Bouzón Vila
  • 23.   Nicolás Neira Rivera
  • 24.   Beatriz Gómez Amigo
  • 25.   Jorge González Fernández
  • 26.   Teresa Castro Ferreiro
  • 27.   Xosé Luís Armesto Barbeito

     

SUPLENTES

  • 1.       Beatriz Maceda Abeleira
  • 2.       Miguel Pernas Cora
  • 3.       Andrea Ramos Queixas
  • 4.       Xosé María Calatayud Sánchez
  • 5.       Marisol Mirás Mouro
  • 6.       Eduardo Freire Bargados
  • 7.       María Gutiérrez Calvete
  • 8.       Paulo Carballada Rodríguez 

A Rede Cultural 2023 espalla o talento galego con 1.220 espectáculos

editor
-
0
A Rede Cultural 2023 espalla o talento galego con 1.220 espectáculos

Dá cifras hoxe a Deputación da Coruña do programa da Rede Cultural 2023. Unha iniciativa xa fundamental para o panorama cultural galego, que permite que tanto organizadores e eventos como grupos e compañías culturais unan camiños. 

O funcionamento da Rede comeza a comezo de curso coa inscrición de grupos, bandas, artistas e compañías. Unha vez co catálogo, cada Asociación Cultural ou Concello de turno, escollen @s artistas ideais para a súa festa, a súa mostra de teatro ou os seus ciclos audiovisuais, permitindo así facer un calendario de eventos con sabor galego por todo o país.

Así, durante este ano e o primeiro trimestre de 2024 a Rede Cultural subvenciona (entre un 75% para os Concellos máis pequenos e un 30% para os grandes), con 1,5 millóns de euros, un total de 1220 espectáculos, que chegarán a 91 concellos da provincia.

De feito xa podes ollas as citas que traerá a Rede ao teu concello nas web da Deputación.

Na Coruña serán máis de 100 os espectáculos desenvoltos gracias ao circuito. Por exemplo na Costa da Morte, serán 67 os espectáculos desenvoltos, nunha zona onde os Concellos de Muros e Corcubión foron os máis activos solicitando máis actuacións, e nas que sorprende que haia concellos como Carnota, Dumbría, Laxe, Malpica, Mazaricos ou Santa Comba nos que non haia ningunha solicitude nun por parte do Concello nin das entidades.

O circuito inclúe estas liñas:

  • Escena ao vivo’, programa de propostas profesionais de teatro, monicreques, maxia, danza e música para concellos: 860 espectáculos (491 de teatro, 257 concertos, 85 de maxia e 27 de danza).
  • ‘Visións’, programa profesional de cinema e contidos audiovisuais para concellos: 81 filmes.
  • ‘Lingua a escena’, programa de espectáculos profesionais de artes escénicas e música para concellos, especializado en contidos relacionados coa dinamización social da lingua galega:  149 actuacións.
  • ‘Alicerce’, programa de grupos de música, danza e teatro non profesional para concellos e entidades: 131.

Grandes e pequenos

En clave musiqueira, a Rede Cultural 2023 inclúe concertos de Xabier Díaz & Adufeiras de Salitre, De Vacas, Roi Casal,  Cristian Leggiero & Paty Lesta, Mercedes Peón, Festicultores, Fillas de Cassandra ou Familia Caamagno.

En clave teatral haberá espectáculos de obras teatrais e monólogos de Chévere, Talía Teatro, Mofa & Befa, Paula Carballeira, Soledad Felloza, Mago Antón ou as AldaoLado.

Ampla é tamén a oferta para as crianzas, cunha oferta na que se inclúen Caramuxo Teatro, Magín Blanco, Mamá Cabra, Pakolas, Fantoches Baj ou Polo Correo do Vento.

Mario, o necesario

Miguel Barreiro Bugallo
-
0
Mario, o necesario
  • Xornada 33 (23/04/23)
  • Depor – Ceuta (1 – 0) – 3º clasificado, en playoff de ascenso
  • 26º partido de Oscar Cano (14V 7E 5D), a 2 puntos do líder Alcorcón

—-

Co pasar das xornadas hai xogadores que van gañando peso no equipo e xogadores que desaparecen sen deixar rastro. Nestas alturas da tempada faise un xuízo dos acertos e dos fallos da planificación do verán. E, dende logo, que foi un acerto manter a Mario Soriano na lista final de xogadores.

Mario é tremendamente regular. Xoga nunha posición que no fútbol moderno tende a desaparecer e que so xogadores como el son capaces de separar. Mario amosa unha calidade técnica abraiante, ten bo tiro dende fora da área, chega con certa facilidade ó remate, ten gol, recupera moitos balóns na primeira liña do ataque e, o máis importante para un medio, unha capacidade brutal de asociación cos dianteiros. Por todo isto, Mario foi un fixo no seu primeiro ano e este ano foi das primeiras fichaxes, ben polo seu interese por retornar, ben pola necesidade do Depor por contar con un perfil escaso deste tipo de xogador no mercado. A importancia de Mario mídese tamén nos minutos xogados, xa que é o terceiro que máis xoga só por detrás, de Ian Mackay e do insubstituíble Alberto Quiles.

Tranquiliza saber que lle queda un ano máis de contrato co Depor e apetece velo en loitas maiores en categorías superiores. Faría ben o Depor en rodealo de mozos dese Fabril recen ascendido e empezar a encher o depósito de orgullo patrio do que tanto presumimos os deportivistas. Pasan os anos, máis pequena é a categoría e maior o sentimento de pertenza ó clube. ¡Cousas veredes!.

Polo demais, a competición entra no momento no que cada gol vale ouro, de cada córner celébrase coma un penalti e que cada gol ó rival celébrase coma un propio. Restan cinco partidos nas que as opcións de liderato do Depor quedan reducidas a catro vitorias e so un fallo. Pouca marxe para tanta necesidade.

  • Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.

MÁIS CRÓNICAS DO DÉPOR

A Coruña sairá á rúa para esixir a aprobación da ILP Salvemos a Atención Primaria

editor
-
0
A Coruña sairá á rúa para esixir a aprobación da ILP Salvemos a Atención Primaria

Este mércores 26, ás 20:00h no Obelisco, a cidadanía herculina sumarase á doutras 20 vilas do país para esixir na rúa a aprobación da ILP Salvemos a Sanidade Pública.

Máis de 50.000 sinaturas avalan esta Iniciativa Lexislativa Popular que se debaterá no Parlamento o vindeiro 20 de maio. A Plataforma SOS Sanidade Pública convoca esta concentración para lembrarlle á Xunta a necesidade de sexa aprobada, e que se tomen medidas para evitar situacións que demostran o fracaso do sistema actual: “unha semana de espera para ser atendido o médico de cabeceira, consultas telefónicas en lugar de presenciais, servizos de urxencias e PACs pechados ou sen servizos mínimos…”

Lembran tamén que os soldos dos traballadores da sanidade pública galega son os peores do estado, e que as únicas medidas tomadas ata o momento só benefician aos traballadores das privadas. “O recente acordo co sindicato minoritario CESM non beneficia en absoluto á poboación, pois simplemente sobe o salario aos médicos que traballan na sanidade privada, algo ilóxico pois se utiliza parte dun orzamento público para algo que non repercute en absoluto nos pacientes, ademais de deixar clara a estratexia por parte da Xunta de seguir favorecendo permanentemente á Sanidade Privada”, sinalan.

Concentracions Sanidade Publica ILP Coruna

Así, ademais de invitar a todo o país a esaír este mércores a rúa, a Plataforma xa anunciou que o 9 de maio seguirán as mobilizacións cunha concentración diante do Parlamento Galego ás 10 da mañá, dia no que se espera que  finalmente vaia a conseguirse a aprobación de dita ILP.

A Coruña, a provincia galega con menos oferta para alugar unha vivenda

editor
-
0
A Coruña, a provincia galega con menos oferta para alugar unha vivenda

A oferta de vivendas en aluguer caeu un 29% en Galicia nos últimos catro anos, o que supón un punto porcentual máis que a media nacional, segundo datos dun estudo publicado este martes por idealista. E, dentro de Galicia, a provincia da Coruña é onde está máis difícil atopar unha vivenda.

O informe, que compara cifras do primeiro trimestre de 2019 co mesmo período de 2023, explica que a maior redución de stock de aluguer deuse nas comunidades de Madrid e de Cataluña, cunha caída do 41% en ambas. Séguelles Cantabria (-31%) e Galicia (-29%).

Por provincias, na Coruña a oferta de vivendas en aluguer baixou nos últimos catro anos un 35%, mentres que en Ourense, un 28%. O descenso en Pontevedra foi do 24%. Con todo, en Lugo o stock aumentou un 2%.

“Lesbiana, bollera, tortillera”, a celebración polo Día da Visibilidade Lésbica na Coruña

editor
-
0
“Lesbiana, bollera, tortillera”, a celebración polo Día da Visibilidade Lésbica na Coruña

Este mércores 26 de abril, a Fundación Luís Seoane acolle a partir das 20.00 horas unha sesión para reivindicar o Día da Visibilidade Lésbica. A Asociación Les Coruña organiza, en colaboración co Concello, un acto cultural gratuíto e aberto ao público con espectáculos de artistas coruñeses relacionados coa poesía, o humor e a música, ademais dun servizo de canguraxe e un bar de copas.

Lesbiana, dyke, dyke estará presentada pola actriz e influencer Sandra Embudo, e contará coa actuación de Aldaolado, un grupo poético e humorístico no que forman parte a poeta coruñesa Lucía Aldao xunto a María Lado. Tamén participará a herculina Yolanda Paz, cun espectáculo de cabaret, e Aniethin DJ porá a nota musical. Ademais, haberá un bollibingo amenizado por Ana Varela (metade bingo, metade espectáculo de humor) e unha sesión de micrófono aberta na que diferentes mulleres presentarán os seus proxectos profesionais e artísticos. O escenario escénico corre a cargo de Rebeca e Nanda de Vacalouras, servizos artísticos.

Carl Cox e Fátima Haji convertirán o Parque de Bens nunha gran rave

editor
-
0
Carl Cox e Fátima Haji convertirán o Parque de Bens nunha gran rave

Encantada está a escena da música electrónica herculina, tremendamente numerosa, coa cita do @wakeupand_dreamfestival. Os vindeiros 14 e 15 de xullo o festival celebrará unha cita inesquecible no Parque de Bens.

Xa están confirmadas figuras internacionais como Carl Cox, que volve 9 anos despois do seu último show en ExpoCoruña, a picadiscos salmantina Fatima Hajji, o alemán Klaungkuenstler ou o suizo Andrea Oliva.

A promotora asegura que as entradas sairán esta mesma semana á venda, pero mentres xa se preparan para outro evento, un maratón de 15 horas de “pura destrución” que se celebra este sábado 30 de abril na Pelícano.

1...607608609...729Page 608 of 729

Xornal da Coruña é o primeiro gran xornal dixital exclusivamente en galego da Coruña e a súa área metropolitana

Contacta: redaccion@xornaldacoruña.gal

SÍGUENOS

© Xornal da Coruña - Xurimaru Servizos de Comunicación 2010 S.L.

QUE É XdC? | AVISO LEGAL | PUBLICIDADE | COOKIES