InicioA CORUÑAA alcaldesa da Coruña non quere comentar a decisión do Supremo de...

A alcaldesa da Coruña non quere comentar a decisión do Supremo de aceptar o recurso presentado desde Granada

Publicada o

Por monchomarino

A alcaldesa da Coruña, Inés Rey, optou, de novo, e a preguntas dos xornalistas, por non pronunciarse respecto ao recurso presentado desde Granada contra a decisión de que a cidade herculina sexa sede da futura Axencia Española de Supervisión de Intelixencia Artificial (Aesia).

“Non comento procedementos xudiciais en marcha e moito menos os relativos a outras administracións”, insistiu, en liña coas manifestacións dos últimos días ao ser preguntada por esta cuestión.

Nesta ocasión, expúxoselle despois de coñecerse este xoves que o Tribunal Supremo admitiu a trámite o recurso presentado pola Asociación Sociedade civil de Granada Juntos por Granada contra o acordo do Consello de Ministros do pasado 5 de decembro.

Nel determinouse que a cidade da Coruña sexa a sede da futura Axencia Española de Supervisión de Intelixencia Artificial (Aesia).

Pola súa parte a voceira da Marea Atlántica María García, sinala que “A Coruña e o seu ecosistema de innovación ofrecen sobradas e indiscutibles razóns para acoller a sede da AESIA. Quen coñece a cidade, como a coñecemos nós, non necesita unha convocatoria competitiva para saber que era a decisión adecuada. Se esa convocatoria se fixo ben ou mal, é responsabilidade do Goberno do Estado. Sexa o que sexa o que determine o Supremo, dende a Marea Atlántica agardamos que A Coruña non resulte prexudicada”.

ÚLTIMAS

A seguridade na área sanitaria da Coruña: unha adxudicación de 13,8 millóns que Prosegur arrebatou a Eulen

O pasado luns pola tarde, no servizo de urxencias do Complexo Hospitalario Universitario da Coruña (Chuac),...

AMEGA, Leria e A Banda da Loba levaron o galego ao Playa Club

A música galega contemporánea segue tomando escenarios. Ese venres 7 de febreiro, co gallo...

Xulgan a cinco persoas por agredir e abandonar espido a un home nun descampado da Zapateira por unha débeda

A sección primeira da Audiencia Provincial da Coruña celebrará o luns, día 10, un xuízo por lesións,...

“O Xerente da Área Sanitaria non sabe falar c@s traballador@s”

Aínda soan os ecos da manifestación realizada este pasado xoves 6 de febreiro no...

DEIXAR UN COMENTARIO

Please enter your comment!
Please enter your name here