InicioDEPORTESUn día máis en Riazor

Un día máis en Riazor

Publicada o

Por Miguel Barreiro Bugallo

Empéñase o Depor en xogar cos nervios dos afeccionados branquiazuis unha semana si e outra, tamén. Pero, mentres vaias gañando os nervios sempre se esquecen. O partido contra o Mérida ten fácil resumen e difícil explicación. O resumen é que o Depor fixo o de sempre na casa, máis tivo que agardar ata un escintileo do mellor produto de Abegondo para pechar o partido. A difícil explicación é, ¿porqué un partido dominado, sen xogar especialmente ben, non se remata antes, máis aínda xogando na casa?

Parémonos un pouco con Yeremay. Din os que coñecen Abegondo que é a maior esperanza na canteira e que teñen que pulilo coma o bo diamante que é. Polo de pronto é da escola canaria, ben máis que valorado na Coruña polo bo resultado dos seus compatriotas no pasado. Polas súas características pódese dicir aquelo de que é un xogador dos que xa non quedan. Menudo, habilidoso, rápido, descarado, forte no choque, sen medo a arriscar, indo sempre cara o área, pedindo á pelota e deixando detalles de bo pelotero. Seus compañeiros confían nel e búscano cando máis axustado está o marcador. Cousa rara esta, se non fora pola facilidade que amosa o rapaz para resolver as situacións.

Gaña o Depor en posibilidades e recambios tralo mercado de inverno. Trouxéronse titulares e mellórase a competitividade, polo que mellorarán os rendementos. Hai dúas semanas falabamos da necesidade de acadar seis ou sete vitorias seguidas para chegar ó liderato. Esas vitorias que non só traen puntos, traen confianza, traen madurez e permiten pensar que o obxectivo é posible. Da a sensación de que pódese seguir gañando.

  • Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.

Máis crónicas do Dépor

ÚLTIMAS

Cando limpar praias é un verdadeiro exercicio de inclusión

Emocionante xornada a vivida esta mañá na praia de Riazor. A Asociación Mar de...

Aprobado o convenio de financiamento entre Xunta e Concello para licitar o centro de saúde e centro cívico de Santa Lucía

Pasiño a pasiño avanza a eterna rehabilitación do centro de saúde e o centro...

O Museo de Belas Artes acolle na Coruña unha mostra sobre Isaac Díaz Pardo

O Museo de Belas Artes da Coruña acolle unha mostra sobre a figura de...

A Xunta propón recuperar e expoñer os murais de Urbano Lugrís na rúa Olmos

Representantes da Xunta e do Concello da Coruña participaron nun encontro para concretar o...

DEIXAR UN COMENTARIO

Please enter your comment!
Please enter your name here