InicioCULTURAEn Clave de Mar, a primeira acción de homenaxe do proxecto “Lugrís,...

En Clave de Mar, a primeira acción de homenaxe do proxecto “Lugrís, ano L”

Publicada o

Por editor

Este 2023 é o 50 aniversario do pasamento de Urbano Lugrís. Unha boa excusa para seguir recuperando o legado do grande artista galego, como consideran o Colectivo Lugrisán In Nave Civitas e a asociación cultural O Mural.

Ambos organizan para este sábado 11 de marzo unha cita para reivindicar a labor do «pintor do mar». O evento será na sala Garufa co espectáculo «EN CLAVE DE MAR. Música e palabras en defensa do legado de Urbano Lugrís» no que intervirán César Morán, Moncho do Orzán e o grupo Extrema urxencia, na parte musical e Olivia Tudela e o colectivo In Nave Civitas, con achegas literarias. Ao temón do acto estará, quen se non, Xurxo Souto.

Antes do concerto, que será a partir das 21:30h, e que pretende recrear os espazos míticos da bohemia coruñesa dos 50, os organizadores convocan o público ás 20:30 horas na Coiraza do Orzán dende a que, tras a lectura do manifesto a prol do ano Lugrís: «Nós, as deshidratadas», de Sofía de Labañou, iniciarán unha «manifestación atlántica» até a sala de concertos, que abrirá a súas portas para o acto ás 21:00 horas.

Máis accións de “Lugrís, ano L”

Lugris ano L logo

Avisan de que este é só o primeiro dos actos de «Lugrís, ano L.» un conxunto de actividades que O Mural e In Nave Civitas van realizar en Vigo, Bueu, Pontevedra, Santiago de Compostela, Malpica, Vilaboa e A Coruña, localidades nas que aínda hai obras de Lugrís de acceso público e nas que convidarán a distintos artistas lugrisáns a facer un brinde polo pintor galego para conmemorar a data.

SOS

Murais de Lugrís na Coruña / EP
Murais de Lugrís na rúa Olmos / EP

EN CLAVE DE MAR quere tamén ser un S.O.S para a protección dos murais que Lugrís pintou no número 25 da rúa dos Olmos da Coruña que se atopan en perigo de desaparición polo estado de abandono do edificio e o desleixo das administracións responsábeis.

ÚLTIMAS

A CIG pide a Fiscalía a apertura dunha investigación pola agresión a un sanitario e un vixiante no Chuac

Representantes de CIG-Saúde pediron á Fiscalía provincial da Coruña que se abra unha investigación...

As traballadoras das residencias privadas reclaman mellores condicións para poder dar unha atención de calidade

Nova mobilización polas rúas da Coruña (é raro día que non haia colectivo denunciando...

O Goberno e a Deputación inauguran na Cidade das TIC o maior estudo virtual de España

O ministro de Transformación Dixital, Óscar López, e o presidente da Deputación da Coruña, Valentín González...

As traballadoras da Rede de Escolas Infantís Municipais sacan a careta a Borrego

Despois de meses esperando que o Concello cumprise as súas preguntas, as traballadoras da...

DEIXAR UN COMENTARIO

Please enter your comment!
Please enter your name here