Os bancos da Casa das Palmeiras recuperaron as cores das bandeiras Trans e LGTBIQ+ grazas ao traballo dos máis novos. Estes elementos foran pintados, por primeira vez, en xullo de 2021. Desde entón, algúns matices xa parecían esvaídos. Por este motivo, a Oficina Municipal de Información Xuvenil decidiu incluír esta actividade de repintado dentro da programación de Kdadas de Semana Santa, dirixida aos máis novos.
Ademais dos traballos de pintura, os rapaces tiveron que acometer as seguintes tarefas: limpeza, lixado e, por último, tinguir os bancos cos tons de ambas as bandeiras.
Con esta proposta conseguiuse un dobre obxectivo: por unha banda, promover a igualdade e a diversidade entre os máis novos e, por outra, implicar aos nenos e nenas no día a día da comunidade, facéndoos cómplices de mellora e mantemento das instalacións municipais e elementos do mobiliario urbano.
