A Asociación Cultural Irmáns Suárez Picallo e a Comisión pola Recuperación da Memoria Histórica da Coruña buscan salvagardar 697 elementos, dos cales case 400 son bens culturais, antes de que sexan retirados pola familia Franco do Pazo de Meirás. Piden que sexan declarados como Bens de Interese Cultural por parte da Xunta de Galicia, máis concretamente por parte da Consellería de Cultura.

Por outra banda, o Estado xa formulou un incidente de execución de sentencia sobre os bens ligados ao inmoble e posteriormente unha nova demanda civil pola propiedade de diferentes bens do Pazo de Meirás.

Entre os obxectos que piden protexer atópanse conxuntos isabelinos, altares, bargueños ou pezas de porcelana. Con todo, máis dun centenar de bens, como o retablo da capela ou o sepulcro deseñado por Pardo Bazán quedan á espera do resultado final da sentenza do Tribunal Supremo. Ademais os bens mobles, entre eles dous considerados Patrimonio Nacional, que o Estado demanda no novo pleito civil tamén quedarán á espera da resolución. Mentras todo deberá permanecer dentro do Pazo.