Case 2.000 alumnos e alumnas de centros educativos coruñeses participarán no Correlingua, cun percorrido entre Riazor e a Torre de Hércules, segundo informaron os seus promotores.

Na cita estarán presentes un vinte centros educativos da cidade e concellos da provincia como Arteixo, Cambre e Oleiros, entre outros. A saída terá lugar o venres, día 5, ás 11,00 horas, en dirección á Torre de Hércules, onde terá lugar a festa final ao pé do monumento.

O obxectivo desta iniciativa é promover a normalización lingüística do galego entre os mozos e tamén a idades máis temperás, no marco dunha iniciativa con motivo da conmemoración do Día das Letras Galegas.