InicioCULTURANace o Obradoiro Dixital Galego par espallar a creación do contido dixital en...

Nace o Obradoiro Dixital Galego par espallar a creación do contido dixital en lingua galega

Publicada o

Por editor

Xa levan tempo argallando, sobre todo, Fran da Lobeira (A Lobeira Today) e Isaac González (de podgalego, agora.gal…) a necesidade de crear un proxecto que aglutine ás novas canles de creación de contidos dixitais en galego. Sobre todo dende a aparición a comunidade de Twitch en galego.

Así nace Asociación Cultural Obradoiro Dixital Galego (ACODG), un proxecto asociativo
creado co obxectivo de promover, difundir e axudar á creación de contido dixital en galego nos seus distintos formatos, sexa streaming, vídeo ou podcast. A ACODG engloba ás tres comunidades xa existentes de creación de contido, Podgalego, Twitch en galego e YouTube en Galego, sen renunciar á posibilidade de acoller ás que poidan xurdir nun futuro. Entre as tres comunidades suman máis de 800 canles indexadas de contido en lingua galega.

A entidade manterá rexistros actualizados de canles e persoas creadoras de contido en galego para visibilizalas e promovelas, e asesorará e prestará asistencia a persoas creadoras de contido ou con intención de iniciarse na actividade de creación de contido dixital en galego. Tamén fomentará a colaboración establecendo redes de cooperación
con centros educativos, asociacións dinamizadoras da lingua, medios de comunicación e outras institucións para realizar campañas, eventos públicos, cursos e outro tipo de iniciativas co obxectivo de promover o uso, o consumo e a produción de contidos dixitais en lingua galega en todos os ámbitos sociais.

“Vimos de crear o tecido asociativo necesario para mudar o ‘eu’ polo ‘nós’ no tocante á creación de contido, e aunando forzas medrar máis e con máis afouteza e orgullo do noso, mirando cara a Galiza do futuro”, en palabras do presidente actual da asociación, Fran da Lobeira.

ÚLTIMAS

A Coruña, provincia onde os pequenos concellos de interior votan de xeito conservador mentres a costa se moderniza

Galicia é diversa. A nosa terra é un territorio onde nada ten que ver a...

A Xunta presenta unha oferta por 35.000 euros para adquirir os murais de Lugrís da rúa Olmos da Coruña

Despois da polémica xerada entre a sociedade civil pola posta en venda dos murais...

O tempo descafeinou O Gran Camiño

Mágoa o temporal desta mañá que agriou a celebración de O Gran Camiño na...

A AMEGA descobre a historia dos medios en galego da cidade

Ademais do Festival de Música Galega contemporánea deste xoves, e para o que xa...

DEIXAR UN COMENTARIO

Please enter your comment!
Please enter your name here