Zara Home presentou unha pop up na 4º planta da tenda da Coruña localizada na Rúa Compostela en colaboración co arquitecto e deseñador belga Vincent Van Duysen. Nela presentaron a nova colección Zara Home+ by Vincent Van Duysen, “segundo capítulo da colaboración que a marca emprendeu co arquitecto no ano 2022”.

“Mergullando nos seus arquivos, Van Duysen recupera algunhas das súas creacións e formas máis características, á vez que impregna os novos mobles da súa estética e ADN”, explican. Tal e como indican, as pezas da segunda colección complementan aos mobles do primeiro lanzamento; “deseños versátiles e atemporais creados con materiais selectos e acabados exquisitos”.

O obxectivo da pop up, detallan, é achegar ao público a colección Zara Home+ by Vincent Van Duysen, ata o momento só accesible a través de zarahome.com e en tendas seleccionadas. Deste modo, as pezas da colección poderanse adquirir mediante unha venda que contará cunha atención personalizada por parte do equipo de Zara Home. O espazo tamén terá unha cafetaría da man de CaféSiboney. A pop up está aberta ao público desde este xoves.