InicioMOV. SOCIAISAs traballadoras das escolas infantís privadas e de xestión indirecta volven á...

As traballadoras das escolas infantís privadas e de xestión indirecta volven á folga

Publicada o

Por editor

Este mércores 8 de novembro será a terceira xornada de folga das traballadoras das escolas infantís privadas e de xestión indirecta (as municipais da Coruña, así como as de Cee ou Vimianzo), as responsables do ensino das nosas crianzas na etapa 0-3 anos. As traballadoras volverán a participar na manifestación que sairá ás 11:30 dende a Praza de Pontevedra e chegará ao Obelisco. Haberá concentracións ademais en Vigo e en Compostela, diante da patronal CEG.

As mobilizacións, convocadas polos sindicatos CIG-Ensino, CCOO Ensino e SNEP), seguen a protestar polo “bloqueo da patronal á negociación do XIII convenio colectivo”, así como para rexeitar a última proposta “miserenta e involutiva” presentada polo empresariado na reunión que tivo lugar o 2 de novembro, e que foi rexeitada por todas as organizacións sindicais.

Na última mesa de negociación, a número 11, a CIG-Ensino, que pide unión sindical, “rexeitou enerxicamente a proposta patronal por insuficiente, inxusta e inxustificada, ao querer seguir mantendo a precariedade salarial e afondar na involución de dereitos sociais e laborais do persoal traballador”.

Lembran que “as táboas, conxeladas dende 2021, xa quedaron por debaixo do Salario Mínimo Interprofesional e cuxos dereitos laborais e sociais están tan só ao nivel do Estatuto das Persoas Traballadoras”, subliñan. Lembran que “este convenio é un dos máis precarios dos todos os convenios existentes a día de hoxe no ámbito da ensinanza”.

Piden ademais melloras sociais denunciando os problemas que teñen para conciliar as profesionais que máis revirten nas conciliación das familias.
Denuncian que teñen 38 horas de atención directa (sen tempo para preparar as clases), cando no resto de convenios hai un máximo de 27 horas directas.

Servizos mínimos

Un dos asuntos importantes é os dos servizos mínimos. Nas anteriores folgas, concellos como o de Coruña copiaban os decretos de empresas privadas e obrigaban a manter unha persoa por aula. Unha cifra absolutamente abusiva, tendo en conta que son contadas as aulas que teñen apoio, polo que foron moi poucas as que puideron participar nas anteriores mobilizacións.

O Concello coruñés recuou e retirou ese decreto, obrigando a ter varias profesionais á entrada e á saída, pero permitindo así exercer o dereito a folga.

Non así a Xunta, que “vén de vertirse de patronal”, como denuncia Henrique García, da CIG, que vén de lanzar un decreto para as escolas privadas, onde obriga a manter unha persoa por unidade.
Libran desta medida as de xestión indirecta, que dependen dos decretos de cada concello.

Manifestación en Compostela

O 15 de novembro está convocada a cuarta xornada de folga e para ese día haberá manifestación nacional en Santiago de Compostela, que sairá da Alameda, pasará pola sede da CEG e rematará na Praza de Praterías.

Máis novas

Traballadores en escolas ‘Galiña Azul’ e en atención a maiores maniféstanse na Coruña contra a temporalidade

Traballadores en escolas ‘Galiña Azul’ e en atención a maiores maniféstanse na Coruña contra a temporalidade

Traballadores en escolas ‘Galiña Azul’ e en atención a maiores maniféstanse na Coruña contra a temporalidade

ÚLTIMAS

Inmobilis in mobile. Manifesto contra a mutilación da beleza

Con este manifesto, a Asociación cultural O Mural e o Colectivo In Nave Civitas...

Así afectará ao tráfico a media maratón deste domingo

Máis de 3.000 atletas participarán este domingo 25 de febreiro as probas de C21...

A AMEGA descobre a historia dos medios en galego da cidade

Ademais do Festival de Música Galega contemporánea deste xoves, e para o que xa...

De Ninghures e Fillas de Cassandra trouxeron a festa dos medios en galego á Coruña

Organizou a Asociación de Medios en Galego (AMEGA), en colaboración co Xornal da Coruña,...

DEIXAR UN COMENTARIO

Please enter your comment!
Please enter your name here