32 entidades sociais da cidade participarán este domingo no evento central da campaña ‘Baixo o mesmo paraugas’. As entidades que traballan na defensa dos dereitos das persoas con diversidade funcional de toda Galicia concentraranse vindeiro domingo 3 de decembro ás 12.00 horas na explanada do Parrote, co gallo do Día Internacional das Persoas con Discapacidade.
En total serán case 100 entidades sociais da comunidade as que lanzarán unha mesma mensaxe: “unha sociedade plural e diversa, onde todas as persoas teñan moito que facer, contribuír”. Así o destacou Ricardo Iglesias, responsable de Aspace e voceiro das entidades organizadoras, durante a presentación realizada onte. “Queremos mostrar as capacidades das persoas, que as diferenzas fan unha sociedade máis forte e que todas as persoas teñen moito que aportar. Animamos a toda a cidadanía a que nos acompañe cos seus paraugas en todos os actos que faremos en Galicia. E queremos que cada ano se unan máis entidades de toda a comunidade”, destacou.
CAMPAÑA REDES SOCIAIS: ABRE O TEU PARAGUAS!
As entidades invitan a mobilizar a campaña polas redes. Colle un paraugas de cores e grava un vídeo moi breve de non máis de 15 segundos, no que ti ou máis persoas digas mensaxes positivas a favor das persoas con discapacidade, a igualdade, a inclusión… coas etiquetas #BaixoOMesmoParaugas #AbreTuParaguas #Diversidade #Discapacidade etiquetando a @galiciadiversa.
Listaxe de entidades coruñesas que participarán o domingo
- 1. ACEM
- 2. ASPRONAGA
- 3. PASCUAL VEIGA
- 4. ASPABER
- 5. ARTEFÍOS
- 6. ASPAYM GALICIA
- 7. FEAFES GALICIA
- 8. ADACECO
- 9. ASPANAES
- 10. ASPADISOL
- 11. GRUMICO
- 12. ONCE
- 13. ASPACE CORUÑA
- 14. REDE DE FIBROMIALGIA
- 15. PREDIF GALICIA
- 16. APEM
- 17. ASOCIACIÓN PARKINSON GALICIA-CORUÑA 18. ASPADEX
- 19. FEGEREC
- 20. AFACO
- 21. DISMACOR
- 22. PAI MENNI
- 23. ASPESOR
- 24. DOWN CORUÑA 25. ASPERGA
- 26. FUNDACIÓN ADCOR 27. AIND
- 28. ASEM
- 29. XOGA
- 30. ENKI
- 31. ALOUMIÑOS
- 32. FUNDACIÓN ASPACE CORUÑA 33. OCIO INCLUSIVO OLEIROS
