InicioBARRIOSLuís Bolón explica a gaita e a zanfona á veciñanza da Agra

Luís Bolón explica a gaita e a zanfona á veciñanza da Agra

Publicada o

Por editor

Este venres, 1 de decembro ás 20:15 h. terá lugar no local da Asociación veciñal, cultural, deportiva e recreativa do barrio da Agra do Orzán “AGRA” (rúa Entrepenas 38) a charla musical “A gaita e a zanfona como acompañamento ó canto” de Luís Bolón, que fará un percorrido por diferentes casos na tradición galega onde instrumentos de vento e corda acompañan á voz. Como exemplo, acompañando á interpretración ao vivo, poderanse escoitar rexistros sonoros de recollidas, que serán comentadas e analizadas.

Luís Bolón naceu na Coruña en 1995. Aos oito anos comeza os estudos regrados de Gaita Galega que complementa con formación en frautas traveseiras, percusión, gaita e zanfona cos músicos Xosé Lois Romero e Suso Vaamonde. Tamén asistiu a cursos con Carlos Núñez, Dani Bellón, Cristian Silva, Luís Prego, Aleix Tobias, Xisco Feijoo, Carmen Rey, Efrén López. Posteriormente estuda no Conservatorio Superior de Vigo con Lorena Freijeiro, Iván Abal e Carlos Castro, onde acada o título superior en interpretación dos Instrumentos da Música Tradicional e Popular.

Levou a cabo diferentes concertos e recitais por todo o país e participou como músico solista coas Bandas de Música de Sada e Sementeira de Cambre. Realizou a composición e interpretación musical da banda sonora da obra teatral Bath time. Como docente impartiu aulas na A.C. Arume de Caión, Universidade de Vigo, EMM Abegondo. Actualmente é director artístico de Cántigas da Terra e mestre de instrumentos populares na Escola de Música Sementeira de Cambre, ademais forma parte do grupo Os Melidaos e do colectivo Cantometrics.

ÚLTIMAS

Inmobilis in mobile. Manifesto contra a mutilación da beleza

Con este manifesto, a Asociación cultural O Mural e o Colectivo In Nave Civitas...

Así afectará ao tráfico a media maratón deste domingo

Máis de 3.000 atletas participarán este domingo 25 de febreiro as probas de C21...

A AMEGA descobre a historia dos medios en galego da cidade

Ademais do Festival de Música Galega contemporánea deste xoves, e para o que xa...

De Ninghures e Fillas de Cassandra trouxeron a festa dos medios en galego á Coruña

Organizou a Asociación de Medios en Galego (AMEGA), en colaboración co Xornal da Coruña,...

DEIXAR UN COMENTARIO

Please enter your comment!
Please enter your name here