InicioBARRIOSFAC-USO denuncia a falta de transparencia do goberno local polos incumprimentos do...

FAC-USO denuncia a falta de transparencia do goberno local polos incumprimentos do Castrillón

Publicada o

Por editor

Continúan os problemas arredor da xestión do Centro Deportivo do Castrillón. Tralas denuncia de BNG e PP, volve a  Federación de Atención á Cidadanía da Unión Sindical Obreira OBREIRA en Galicia (FAC-USO Galicia), que xa o denunciara en agosto, denuncia falta de transparencia do Gobierno municipal polos incumprimentos da empresa concesionaria da xestión das instalacións do CD Castrillón, xestionado por EMVSA (Empresa Municipal de Vivenda Servizos e Actividades, S.A.), por, numerosas irregularidades.

Con todo, a unha pregunta do BNG no pleno deste xoves 14 de decembro, José Manuel Lage avanzou que en 2024 o Concello licitará conxuntamente a xestión dos complexos deportivos do Castrillón e San Diego.

Estas son algunhas irregularidades que denuncia FAC-USO

  • Existen franxas horarias onde a sala de fitness, non conta con persoal técnico, ou este atópase realizando outras funcións na piscina ou en información-recepción.
  • Socorristas e monitores vense obrigados, en ocasións, a compaxinar, as dúas funcións, sen contar, no segundo caso, coa titulación necesaria requirida.
  • No CD Castrillón, aos socorristas obrígaselles a impartir cursos de natación aínda que non dispoñan de titulación esixida, a realizar funcións de mantemento da instalación, a manipular produtos químicos, sen cobrar o plus de toxicidade, ou, o que resulta moitísimo máis grave, a dar cursos e facer de socorristas ao mesmo tempo, persoal que xa non poderá ser subrogado no novo contrato de servizos, que ninguén sabe cando se licitará.
  • Traballadores/as realizan, en ocasións, xornadas continuas e ininterrompidas de ata 13 horas diarias durante as fins de semana e os días festivos.
  • Traballadores/as non contan cos descansos legais pertinentes, entre xornadas e dentro da propia xornada.
  • Traballadores/as non cobran pluses: nocturnidade, perigo, toxicidade, etc.
  • Existen traballadores/as aos que non se lles aplica o “Convenio colectivo de instalacións deportivas e ximnasios da Comunidade Autónoma de Galicia”, con peores condicións económicas e laborais.
  • O Centro Deportivo non conta, desde hai meses, co posto de Director-Coordinador, posto obrigatorio e estrutural, clave para o funcionamento, funcións que vén desempeñando unha monitora contratada para impartir actividades de fitness, que non conta nin coa experiencia requirida, nin tampouco coa titulación adecuada (intrusismo profesional).

O sindicato lembra que levan denunciando o caso dende agosto, “sen que nin EMVSA (entidade contratante e responsable), nin o Concello da Coruña fixesen nada, permanecendo ata a data allea a toda a problemática existente, non tomando as medidas oportunas respecto diso, e converténdose, desta maneira, en “cómplices” de todas as irregularidades contractuais e laborais que se veñen cometendo por parte da empresa”.

ÚLTIMAS

Arrincaron as obras da prospección arqueolóxica do xacemento Castrillón

¡Arrincaron esta mañá os traballos da prospección arqueolóxica do xacemento Castrillón afectado polo futuro...

A CIG urxe protocolos no transporte sanitario ante agresións: “A xente non sabe como ten que actuar”

Representantes da CIG demandaron protocolos no transporte sanitario ante agresións. "A xente non sabe...

A familia de Yoel pide que se impute a outras dúas persoas polo asasinato racista

A familia de Yoel Quispe, o mozo apuñalado mortalmente na madrugada do día de...

Sumar Galicia reivindica que “a vivenda digna é un dereito” e loita contra a especulación

O Movemento Sumar Galicia organizou este sábado na Coruña a primeira dunha serie de...

DEIXAR UN COMENTARIO

Please enter your comment!
Please enter your name here