O goberno socialista do Concello da Coruña vén de confirmar por onde vai ir a súa política urbanística nos vindeiros anos. A Xunta de Goberno aprobaba o proxecto de urbanización do polígono residencial de San Pedro de Visma, coa previsión de construción de 3.600 vivendas.
Un proxecto que conta cun rotundo rexeitamento social (esvaecéronse as case 40 alegacións presentadas) en toda e que cambiará absolutamente a fisionomía dunha das entradas da vidade. Un proxecto que demostra que a política urbanística do goberno do PSOE local rescata aquelas macrourbanizacións dos anos 90, dos anos de Paco Vázquez, de crecemento demográfico continuo, e esquece a innumerable cantidade de casas baleiras e vivendas por rehabilitar en toda a cidade, así como a necesidade de zonas verdes e espazos comúns.
“A primeira gran actuación municipal dentro do plan de vivenda para o período 2024-2030”, avisou a alcaldesa Inés Rey, tendo en conta que o goberno xa formula grandes urbanizacións da Maestranza-Campo da Estrada na Cidade Vella, de Orillamar-Santo Amaro en Monte Alto, ou as Percebeiras en Labañou.
A macrourbanización de Visma prevé a construcións duns 30 edificios, entre elas 3 torres de case 20 alturas, unhas 3.600 vivendas (un 26% de protección oficial), que comezarán a ser entregadas en 2027.
Novas relacionadas co urbanismo coruñés
