A Asociación de Medios en Galego (AMEGA) organiza dous eventos na cidade da Coruña, en colaboración co Xornal da CoruñaAo longo da semana falaremos do Roteiro Xornalístico de cara a este sábado 24, pero hoxe queremos falar do festival de música galega contemporánea que se vai celebrar este xoves 22 na Sala Inn.

AMEGA quere trasladar á mocidade galega a importancia de informarse na nosa lingua, a posibilidade que teñen de seguir os máis de 140 medios na nosa lingua, ou os máis de 50 que formamos parte desta asociación. E para iso, vai xuntar máis de 500 mozos e mozas da cidade arredor da revolución da música galega contemporánea.

A estrea do novo disco de Fillas de Cassandra, “Últimas Dionisíacas”, e o concerto de De Ninghures, serán os pratos fortes do pequeno festival que acollerá a Sala Inn, e para o que xa se esgotaron todas as entradas.

Máis novas

A AMEGA organiza un roteiro e un festival de música galega contemporánea na Coruña polo Día dos Medios en Galego

As Fillas de Cassandra ou o destape da música tradicional galega