Abría onte o prazo de inscrición para o XI circuíto de carreiras populares Coruña Corre. e se circuito que pon en valor o poder dos nosos Barrios a través do deporte.
As persoas interesadas poden apuntarse ao conxunto das sete probas ou de maneira individual.
As inscricións e toda a información sobre o circuíto e os seus servizos pode consultarse nas páxinas www.coruna.gal/carreiraspopulares e www.corunacorre.com.
Despois da primeira toma de contacto coa C5 que se celebrou o pasado mes no marco da media maratón, a primeira cita será o vindeiro sábado 23 de marzo coa XII Carreira Popular da Torre – Trofeo J. A. Varela Calviño. Será a única proba nocturna do circuíto (comzarán os peques ás 17:00h e a proba raíña sairá ás 20:00h), e servirá tamén para conmemorar o 15 aniversario do faro como Patrimonio da Humanidade da UNESCO. A proba partirá do paseo dos Menhires e transcorrerá polo paseo Marítimo, no tramo recentemente humanizado polo Concello, ata as instalacións do Oceanográfico, onde as persoas participantes darán volta para chegar ata os pés da Torre de Hércules. A distancia total da proba será de 6.350 metros.
Unha das principais novidades deste ano é a inclusión de Xuxán dentro da carreira de Matogrande, que terá lugar o 15 de setembro.
A inscripción ao circuíto terá un coste total de 24 euros (12 euros de cota e 12 euros o chip) ou 19 euros (7 euros a cota e 12 de chip) para persoas desempregadas, de máis de 65 anos e con Carné Xove. A inscrición de menores é gratuíta. Por outra banda, as persoas que participen só nesta primeira proba terán que aboar unha cota de 3 euros e 2 euros polo chip refugable, ou un total de 3 euros para persoas desempregadas, maiores de 65 anos e posuidores do Carné Xove.
