Deixa varias incógnitas a dimisión do alcalde de Cambre, Óscar García Patiño. A máis importante saber se efectivamente a súa saída é solución para que as habilitadas liberen ao Concello do secuestro administrativo.
Pero tamén xa se lanzan as primeiras quinielas sobre quen vai ocupar o posto na alcaldía. Unión por Cambre, a forza máis votada nas pasadas Municipais de 2023, con 7 concelleiros, forma goberno co PSOE, que ten 4, polo que será algún dos altos membros do partido independente os que asuman o mando.
Semella que, malia xa ter mantido algún encontro coas devanditas habilitadas, todas as miradas ollan á nº2 e ao nº3 do partido:
- María Dolores Pan Lesta, Tercera teniente de alcalde, Área de Economía, Facenda e Recursos Humanos.
- Dani Mallo Castro: Quinto teniente de alcalde, Área de Seguridade Cidadá, Patrimonio, Turismo, Transformación Dixital e Innovación Tecnolóxica.
O procedemento aínda será relativamente longo. Segundo o Regulamento Orgánico Municipal, primeiro ten que celebrarse un pleno para facer efectiva a dimisión, tendo en conta que no mes de marzo xa se celebrou o pleno ordinario este pasado luns día 4. A partir dese pleno, en menos de 10 días convocarase outro para a elección do/a alcalde/sa. Polo medio, a chave estará na asemblea do partido Unión por Cambre, que será a que escolla o/a candidata/o postulable para a elección.
Para completar o procedemento, aínda quedaría pendente outro pleno para determinar as funcións de cada edil.
Máis novas
O alcalde de Cambre dimite polo “bloqueo administrativo” da Interventora e a Secretaria
