Pasaron máis de 50 anos deste tráxico accidente aéreo onde morreron todolospasaxeiros. A familia máis perxudicada nesta traxedia foi a de “Pais” de Buxantes. Moitos dos veciños desta parroquia aínda non naceran polo que ímoslles contar como foi.

O 13 de agosto de 1973 o avión Caravelle da compañía Aviaco que facía a ruta de Madrid a Coruña con 79 pasaxeiros e 6 tripulantes a bordo estrelouse a 3 km de Alvedromotivado por unha espesa néboa que cubría o aeroporto. Saiu de Madrid as 9.14 h. e aochegar a Coruña intentou aterrar por tres veces sen logralo. A última foi sobre as 11.38 h., descendeu demasiado e abaticou coas polas dun eucalipto batendo contra o chan a escasos metros do Pazo do Río, morrendo tódolos pasaxeiros. Temos que recordar que as cartas de navegación nesas datas eran moi rudimentarias, carecendo de moitainformación sobre as rutas. Unha das familias máis perxudicadas deste accidente foi a familia Pais de Buxantes. O familiar Manuel Jesús Pais Ures, natural de Figueiroa de Buxantes, casado na Lagarteira – Escabanas de Cee con Concepción García Rodeiro,emigraron a Venezuela e decidiron no ano 1973 formar dous grupos para vir pasar as festas da Xunqueira en Cee, pero esta ilusión quedou truncada por mor deste accidente. Este grupo formábano Concepción García Rodeiro, muller de Jesús, e as noras María Teresa Cofano, de 26 anos, acompañada dos seus fillos María Gabriela de 6 anos e Juan Carlos de 5 anos, e a outra nora, Joaquina Santamaría Túñez, acompañada dos seusfillos María Jesús de 6 anos, María del Carmen de 5 anos e Manuel Elías de 2 anos. Os corpos quedaron calcinados e un dos nenos foi recoñecido pola fibela metálica do cinto. Foi un accidente que conmocionou a toda comarca e os seus restos foron enterrados enfosas comúns no cemiterio de San Amaro da Coruña. Algúns destes corpos foronrescatados, máis tarde, polos familiares das vítimas.                

O 13 de agosto do 2014 un familiar dos falecidos no sinistro construiu no cemiterio de San Amaro da Coruña, próximo ás fosas comúns, un monumento en recordo das 85 víctimas mortais cos seus nomes e apelidos gravados. Localízase nas coordenadas ETRS89, X= 549037; Y = 4802973. No caso da familia Pais, creo que existen algúnserros de escritura na lápida, quizá por falta de información, porque non están os nomescompletos das oito vítimas.

• Modesto García Quintáns.