O delegado do Goberno en Galicia, Pedro Blanco, trasladou unha mensaxe de “tranquilidade” en relación á presenza de fentanilo, tras a intervención desta sustancia, entre outras, a un veciño de Culleredo. A preguntas dos xornalistas, sinalou que “non é un tema xeneralizado” e rexeitou que sexa “un problema grande” en España a pesar de recoñecer que si existe en relación ao consumo doutras drogas.
“Deixemos traballar ás Forzas e Corpos de Seguridade do Estado que tratarán de desactivar calquera tema”, sentenciou Pedro Blanco, quen insistiu en que non se fala “de que sexa un problema grande”. “Temos problemas de drogadicción en relación con outras de maior mangitude”, reiterou para incidir en que o caso de Culleredo é “anecdótico, non é un problema demasiado relevante en España”.
